چاویارنیوز _ عەتا محەمەد بەرپرسی نوسینگەی قوباد تاڵەبانی لە سلێمانی دەڵێت: پڕۆسەی وەرگرتنەوەی پۆستەکان گشتگیرە و سەرجەم ئاستەکان دەگرێتەوە، بە پۆستی پارێزگاری سلێمانیشەوە.
شرۆڤەکاران و سیاسییەکان، باس لەوەدەکەن ئەم هەڵمەتەی یەکێتی واتە دەستپێکردنی قۆناغێکی نوێ لەدەسەڵاتی یەکێتی لە گۆڕانکاریی ئیداری لە حکومەتی خۆجێیی سلێمانی و هەڵەبجەدا.
بەپێی زانیارییەکان، بۆ وەرگرتنەوەی تەواوی ئەو پۆستانەی یەکێتی بە مافی خۆی دەزانێت وەریانبگرێتەوە، لەئێستادا ئەو حزبە لیژنەیەکی حکومیی تایبەتی پێکهێناوە و ئامانجی یەکێتی ئەوەیە هیچ پۆستێک لە دەستی گۆڕاندا نەهێڵێت. ژمارەی ئەو پۆستانەی لای بزووتنەوەی گۆڕانە و یەکێتی دەیەوێت وەریانبگرێتەوە، نزیکەی 30 پۆستن، تاوەکو ئێستا 10 پۆستیان لێ وەرگیراوەتەوە کە بەم شێوەیەن: 5 بەڕێوەبەری گشتی.2 قایمقام.3 بەڕێوەبەری ناحیە.
یەکێتی هەموو پۆستەکانی لەسنووری سلێمانی وەردەگرێتەوە
لەدوای هەڵبژاردنەکانی هەرێم و هەروەها ئەنجومەنی نوێنەرانیشەوە، یەکێتیی نیشتمانیی کوردستان دەستیکردووە بەهەڵمەتی وەرگرتنەوەی تەواوی ئەو پۆستە ئیدارییانەی لە سلێمانی و هەڵەبجە یەکێتی بەموڵکی خۆی دەزانێت و تائێستا لای بزووتنەوەی گۆڕان بوون، بە پۆستی پارێزگاری سلێمانیشەوە.
No Comment! Be the first one.