یەکێتی کورسی سێیەمی بردەوە

چاویارنیوز _ بەپێی زانیاریەکان، پارتی کورسی دەیەمی هەولێری لە دەستدا، کە بەهۆی هەژمارنەکردنی دەنگی حەوت بنکە ئومێدی لەسەر هەڵچنی بوو، ئەویش بەهۆی ئەوەی زۆرینەی دەنگی ئەو بنکانە کە نەژمێردرابوون، بەکۆتای مەسیحی نزیک لەپارتی درابوون، پارتی بەشێوەی بەرنامە داڕێژراو هەموو هەڵبژاردنێک لەڕێی دەنگدانی تایبەت هەوڵی دەرچواندنی کاندیدی کۆتا دەدات، ئەو حەوت بنکەیەش کە مابوون، زۆرینەیان دەنگدانی تایبەتی سوپای بارزان بوونە وئاڕاستەکرابون دەنگ بە کاندیدی کۆتا بدەن.
بەپێی زانیارییەکان، ئەو تاکتیکە هەڵەیە وایکرد، پارتی نەیتوانی ئەو جیاوازی ٦۰۰ دەنگە لەگەڵ یەکێتی ڕاست بکاتەوە، بۆ ئەوەی کورسی سێیەم لە یەکێتی وەرگرێتەوه. ژمارەی کورسیەکانی هەولێری هەر بە ۹ کورسی مایەوە.
جێگەی باسە بەهۆی دەنگدان بەکاندیدی کۆتا، لەکەرکوکیش کورسیەکی خۆی و کوردی لە شارەکە کەمکردەوە.