چاویارنیوز _ ئاڤامیدیای ئارین مەسرور بارزانی خەریکی بڵاوکردنەوەی هەواڵی چەواشەکارانەیە و هەواڵی ناڕاستی زیاتر لە دوومانگ پێش ئێستا گەرمدەکاتەوە گوایە “سەد هەزار کیلۆ گۆشتی سووری خراپبووی مەنگۆلی، دەرخواردی هاووڵاتیانی ئێران دراوە کە پێشتر پلان هەبووە داخڵی عێراق بکرێت”، لەکاتێکدا ئەم هەواڵە کۆنەو بەو شێوەیە نییە. میدیاکەی پارتی دەڵێت، هاوکات ئەو میدیایە دەیەوێت لە ڕێگەی شتی کۆنەوە هەواڵ دەرخواردی بینەربدات.
ئەم میدیایە جگە لە فریودانی وەرگر، دەیەوێت مەترسی بڵاوبکاتەوەو کەشوهەوای شارو دەروونی هاووڵاتیانی ئێران و عێراق تێکبدات، ئەمەش نیشانەی ئیفلاسبوونی ئەو کەناڵەیە کە ناتوانێت هەواڵی نوێ و ورد دەست بخات، ناچار دەگەڕێتەوە بۆ شائیعاتی حەوت هەفتە پێش ئێستا.
ئاڤا میدیا دەگەڕێتەوە بۆ هەواڵێکی دروستکراو، بەڵام ناگەڕێتەوە و باسی ئەو سەرچاوە دارایی ناکات کە بۆی تەرخانکراوەو بووەتە مەترسی بۆسەر مووچەو ژیانی هاووڵاتیانی کوردستان.
ئاڤامیدیا خەریکی چەواشەکارییە
ئاڤامیدیای پارتی خەریکی کای کۆن بە با کردنە و لەدوای ئەو بابەتانە دەگەڕێت کە کۆنن، چونکە میدیایەکی بێناوەڕۆکی هیچ لەباردانەبووە، هەواڵی کۆن گەرمدەکاتەوە لەپێناو بینەر.
No Comment! Be the first one.