چاویارنیوز _ کاروخ سەید ڕزگار سەرۆکی کڵپەی نیشتمانی ڕایگەیاند: لەناو پارتیدا دیدگای باڵی نێچیرڤان بارزانی سەرۆکی هەرێم ناڕازین لەوەی کە بەبێ یەکێتی حکومەت پێکبهێنرێت، ئەم باڵە کە هەندێکجار لە ڕووی سیاسی و ئابوورییەوە بە باڵێکی تەکنۆکرات و “واقیعی” لەناو پارتیدا دەناسرێت، هەمیشە لەگەڵ بەردەوامبوونی هاوبەشیی یەکێتی بوون لە پرۆسەی حوکمڕانیدا.
باس لەوەشدەکات، ئەم باڵە دژ بەو بۆچوونەیە کە پارتی بیر لە پێکهێنانی حکومەتێکی تاکڕەوانە یان فرەلایەنی بچووک دەکاتەوە بەبێ یەکێتی، چونکە پێیانوایە ململانێی دوو هێزی سەرەکیی هەرێم، بەبێ چوارچێوەیەکی حکومی هاوبەش، زیانێکی گەورە بە سەقامگیریی ناوخۆیی دەگەیەنێت، بەتایبەتی لە ناوچە جێناکۆکەکان، بۆیە نێچیرڤان بارزانی و باڵەکەی پێیانوایە: بەشداریکردنی یەکێتیی نیشتمانیی کوردستان زۆر گرنگە و هەر حکومەتێک بەبێ ئەو حزبە پێکبێت، یەکسانە بە دابەشبوونی کوردستان و دوو ئیدارەیی.
باڵی نێچیرڤان بارزانی و پرسی پێکهێنانی حکومەت بەبێ یەکێتی
سەرۆکی حزبێکی کوردستانی دەڵێت: کێشە سیاسییەکان و پرسی پێکهێنانی حکومەتی هەرێم بەبێ یەکێتی، بەتایبەتی لەلایەن باڵێکی پارتییەوە باسدەکرێت کە بە باڵی نێچیرڤان بارزانی ناسراوە.
No Comment! Be the first one.