چاویارنیوز _ د. ئارام محەمەد قادر وەزیرى خوێندنى باڵا و توێژینەوەى زانستىی حکومەتی هەرێم، وەک دەربڕینی هاوخەمی و بەشداریکردن لە ئازار و زیانەکانی هاووڵاتیانی چەمچەماڵ، بڕیاردیدا بە لێخۆشبوون لە پارەی کرێی خوێندنی خوێندکارانی دانیشتووی قەزای چەمچەماڵ و دەوروبەری کە بە پارالێڵ، یان خوێندنی ئێواران وەرگیراون لە خوێندنی بەرایی (دبلۆم و بەکالۆریۆس) و خوێندنی باڵا (دبلۆمى باڵا، ماستەر، دکتۆرا)، لە سەرجەم زانکۆکان بۆ بڕی ماوەی کرێی خوێندنیان بۆ ساڵی خوێندنی (٢٠٢٥-٢٠٢٦).
وەزیری خوێندنی باڵا لە ڕاگەیەنراوەکەیدا دەڵێت: پێویستە خوێندکاران بە دیکۆمێنتى یاسایی بیسەلمێنن کە دانیشتووی قەزای چەمچەماڵن یان ئەو شوێنانەی کە زیانیان بەرکەوتووە، بۆئەوەى بڕیارى لێخۆشبوون لە کرێى خوێندن بیانگرێتەوە.
بڕیارێک لە وەزیرى خوێندنى باڵاوە بۆ خوێندکارانى چەمچەماڵ
وەزیرى خوێندنى باڵای حکومەتی هەرێم، بڕیاری لێخۆشبوونی کرێى خوێندنى بەکالۆریۆس و ماستەر و دکتۆرای بۆ خوێندکارانى چەمچەماڵ و دەوروبەرى، دەرکرد.
No Comment! Be the first one.