چاویارنیوز _ میدیاکانی عێراق بڵاویانکردەوە، لەدوای سەردانی وەزیری ناوخۆی عێراق و سەرۆکی دەزگای هەواڵگریی عێراق بۆ کێڵگەکە، لەئێستادا تیمەکان گەڕاونەتەوە نێو کێڵگەکە و سەرجەم دەرگاکانی بەرهەمهێنان (Production Valves) کراونەتەوە، هاوکات تەواوی کارمەندەکان لە شوێنەکانی خۆیان جێگیر بوون و سەرقاڵی ئیشکردنن بۆئەوەی سیستمەکە ئەکتیڤ بکەنەوە، بەڵام تا ئەم ساتە سیستمی بەرهەمهێنان نەکەوتووەتەوە کار.
باس لەوەشدەکرێت، ئەگەرچی دیار نییە کەی پرۆسەی بەرهەمهێنان دەستپێدەکاتەوە و دەنێردرێتەوە بۆ وێستگەکان، بەڵام لە دوای قۆناغی چاککردنەوەی بەشە زیانلێکەوتووەکان، تەنیا ئامادەکاری بۆ قۆناغی بەرهەمهێنان دەکرێت.
جوڵەوکارکردن لە کۆرمۆر دەستی پێکردەوە
ئاژانسەکانی هەواڵ بڵاویانکردەوە دوای 40 سەعات بەسەر هێرشە تیرۆریستییەکەی سەر کۆرمۆر، لە ئێستادا، جوڵە و کارکردن گەڕاوەتەوە بۆ کێڵگەی غازی کۆرمۆر، بەڵام هێشتا بەرهەمهێنانی غاز دەستیپێنەکردووەتەوە.
No Comment! Be the first one.