چاویارنیوز _ فازڵ میرانی بەرپرسی دەستەی كارگێڕیی مەكتەبی سیاسیی پارتی دیموكراتی كوردستان لە دیدارێکی تەلەفیزیۆنیدا ئاماژەی بەوەدا، پێكهێنانی حكومەتی نوێی هەرێمی كوردستان قورس بووە و پارتی کە براوەی یەکەمە چیتر ناتوانێت بەبێ یەكێتی حكومەت پێكبهێنێت، ئەوە شتێکی حەقیقەتە کە ناکرێت وەک ژمارەی کورسی مامەڵە لەگەڵ یەکێتی بکرێت. بۆیە ئێمە گەیشتووین بەو بڕوایەی جێگرەوەی یەكێتی هەر یەكێتییە.
وتیشی، ئێمە وەک پارتی دان بەو ڕاستییەدا دەنێین، تائێستا نەمانتوانیووە دوور لە یەکێتی و لەدەرەوەی یەكێتی لەگەڵ لایەنەکانیتر حكومەت پێكبهێنین.
ڕاشیگەیاند، یەكڕیزیی كورد لە بەغداد گرنگە، بۆئەوەی بتوانین مەرجەكانمان بەسەر عیراقدا بسەپێنین.
جێگرەوەی یەكێتی هەر یەكێتییە
بەپێچەوانەی هەندێک لە لێپرسراوە باڵای پارتی، بەرپرسی دەستەی کارگێڕی مەکتەبی سیاسیی پارتی، ئەو ڕاستییە ناشارێتەوە کە پارتی دیموکراتی کوردستان بەتەنها و لەدەرەوەی یەكێتی، ناتوانێت بەهیچ جۆرێک کابینەی نوێی حکومەت پێکبهێنێت و یەکێتی بێبەش بکات.
No Comment! Be the first one.