چاویارنیوز _ سەعدی ئەحمەد پیرە ئه‌ندامی مه‌كته‌بی سیاسی یه‌كێتیی نیشتمانیی کوردستان رایگەیاند، هەموومان بەچاوی خۆمان بینیمان، کاتێک پارتی دژی یەکێتی، حکومەتی لەگەڵ بزووتنەوەی گۆڕان پێکهێنا سەرکەوتوو نەبوو، ئەگەر ئێستاش پارتی دەیەوێت هەمان ئەزموون دووبارە بکاتەوەو بەبێ یەکێتی حکومەت پێکبهێنێت، کارێکی تەواو هەڵەیە و هیچ هەرێمێكی یەكگرتوو بەبێ یەكێتی نابێت.
پیرە وتیشی، یەکێتی کورسییەکانی زیاتر دەکات ئەگەر جارێکیتر هەڵبژاردن بكرێتەوە، پارتیش كورسیەكانی كەم دەكات،بەڵام کێشەی یەکێتی لەسەر پۆست نییە تا پارتی بڵێت “پێکهێنانی حکومەت لەسەریەکێتی پەکی کەوتووە”.
ڕوونیشیکردۆتەوە، ئەوەی یەکێتی دەیەوێت شەراکەتی راستەقینەیە، بەڵام پارتی ئەوەی ناوێت و تەنها دەیەوێت خۆی حاکم بێت و حزبەکانی دیکە دوای ئەو بکەون.
لەبارەی پێکهاتەکانیشەوە سەعدی پیرە ئاماژەی بەوەدا، دەبێت کەمینەکان نوێنەری راستەقینەی خۆیان هەبێت و نابێت هیچ لایەنێک بەکاریانبهێنێت بۆ مەبەستی حزبی.
حکومەتی یەکگرتوو بەبێ یەکێتی دروستنابێت
ئه‌ندامێکی مه‌كته‌بی سیاسی یه‌كێتیی نیشتمانیی کوردستان دەڵێت: تا ئێستا بە ڕەسمی هیچ کەسێک بۆ پۆستی سەرۆک کۆمار کاندید نەکراوە.
No Comment! Be the first one.