چاویارنیوز _ خالید شوانی، وەزیری دادی عێراق دەڵێت: بۆ هاوبەشییەکی ڕاستەقینە لەکابینەی داهاتوودا، یەکێتی دەیەوێت ڕێککەوتن لەسەر تەواوی پۆستەکان بکات، نایەوێت ئەزمونەکانی رابردوو دووبارە بکاتەوە.
خالید شوانی وتیشی: لە کۆبونەوەی نێوان بافڵ تاڵەبانی و مەسعود بارزانی باس لە پێکهێنانی حکومەتی هەرێم و بارودۆخی ناوچەكە کراوە، بەپێی زانیارییەکانی خالید شوانی کە وەزیرە لەسەر پشکی یەکێتی، ئەگەر هەردوو پۆستی وەزارەتی ناوخۆی هەرێم و راوێژکاری ئاسایشی هەرێم نەدرێت بە یەکێتی، ئەوا بەهیچ جۆرێک شەراکەت دروست نابێت.
باس لەوەشدەکات، ئەوەی پارتی ناوی لێناوە هێڵی سوور، یەکێتی بەهیچ جۆرێک قبوڵی ناکات و نەخشەی خۆمانمان هەیە بۆ پێکهێنانی حکومەت، بەڵام ئەگەر ئەو پۆستانەی پارتی ناوی لێناوە هێڵی سوور بەردەوام بن، حکومەتی هەرێم پێکناهێنرێت.
خالید شوانی باسی پێکهێنانی حکومەتی نوێی هەرێم دەکات
وەزیری دادی عێراق لەسەر پشکی یەکێتیی نیشتمانیی کوردستان، دەڵێت : ئەگەر پارتی وەزارەتی ناوخۆ و راوێژكاری ئەنجومەنی ئاسایش نەدات بە یەکێتی، شەراکەتی ڕاستەقینە دروستنابێت، دەڵێت "ئەگەر پارتی بەردەوام باسی هێڵی سوور بکات، ئەوا حکومەت بە ئاسانی پێکناهێنرێت.
No Comment! Be the first one.