دوو کۆمپانیا تێبینییان لەسەر ڕێککەوتنی هەرێم و ناوەند هەیە

چاویارنیوز _ بەپێی ڕاپۆرتێکی ئاژانسی هەواڵی “رۆیتەرز” گروپی پیشەسازیی نەوتی (ئەپیكۆر)، باس لەوە دەکات (90%)ی بەرهەمهێنانی نەوتی هەرێم لەلایەن هەشت کۆمپانیا کارەکانی دەکرێت، هەر ئەو کۆمپانیایانەش لەگەڵ هەردوو حکومەتەکە رێککەوتوون بۆ دەستپێکردنەوەی هەناردەکردنی نەوت.
ئاژانسەکە لە ڕاپۆرتەکەیدا، قسەی لەگەڵ سەرچاوەیەک لەوەزارەتی دارایی عێراق کردووە و وتوویەتی: ئەو کۆمپانیایانەی کە ئەپیکۆر نوێنەرایەتییان دەکات بریتیین لە هەشت کۆمپانیا، بەڵام دوو لەو کۆمپانیایانە کە ڕێککەوتنەکەیان ئیمزانەکردووە DNO (DNO.OL)ی نەرویج و کۆمپانیای Genel Energy (GENL.L)ی بەریتانییە.
ئەپیکۆر ئاماژەی بەوەشکردووە: ئەو چوارچێوەیەی رێککەوتنی لەسەر كراوە “مافی گرێبەستە واژوكراوەكان”ی پاراستووە و گەرەنتی پارەدان بە کۆمپانیا نێودەوڵەتییەکانی نەوت دابینکردووە.