چاویارنیوز _ د.یادگار عەلی مامۆستای زانکۆ ڕایگەیاند: پێویست بوو حکومەتی هەرێمی کوردستان بە شێوەیەکی چالاکانە کار بۆ پاراستنی سەلامەتی ڕۆژنامەنووسان و زامنکردنی مافەکانیان لە ڕێگەی یاساکانی پەرلەمانی کوردستان و بڕیارەکانی خۆی و پابەندبوون بە جاڕنامەجیهانییەکان بکات.
باس لەوەشدەکات، بۆ هەرێمی کوردستان، کە ساڵانێکی زۆرە ئیدیعای فەراهەمکردنی پانتاییەکی باش بۆ ئازادی ڕادەربڕین و ژینگەیەکی لەبار بۆ کاری ڕۆژنامەنووسیی دەکات، مایەی هەڵوەستەی جدییە چەندین ساڵ ڕۆژنامەنووس لە زیندان بهێڵدرێتەوە و هەر ماوەیە و دۆسیەیەکی بۆ بهێندرێتەپێش.
دەڵێت: سەلامەتی ژیان و گیانی ڕۆژنامەنووسان و پاراستنی مافی ئازادی ڕادەربڕین و بیروڕا ئەرکی سەرشانی حکومەتە و هەرگیز نابێت پاشەکشەی لێبکات.
ڕاشیگەیاند: لەبری دەستگیرکردن و هێشتنەوەی ڕۆژنامەنووسان لە زیندان، دەبێت حکومەت بەرەنگاری بکوژانی ڕۆژنامەنووسان بێتەوە و ڕێگەنەدات لە سزای یاسایی ڕزگاریان بێت.
جەخت لەوەشدەکاتەوە، پێویستە حکومەت لە ڕێگەی دەزگاکانیەوە کار بۆ بەرزکردنەوەی ئاستی هۆشیاریی دەربارەی گرنگیی ڕۆژنامەگەریی سەربەخۆ و پیشەیی لە کۆمەڵگەی کوردستان بکات و بە دەستکەوتێکی گرنگ بۆ ئەزموونی حوکمڕانی هەرێمی کوردستان و گەشەپێدانی تەماشایان بکات.
د.یادگار عەلی مامۆستای زانکۆ:
سەلامەتی گیانی ڕۆژنامەنووسان لە ئەستۆی حکومەتی هەرێمە
مامۆستایەکی زانکۆ ڕایدەگەیەنێت: لەبری دەستگیرکردن و هێشتنەوەی ڕۆژنامەنووسان لە زیندان، دەبێت حکومەت بەرەنگاری بکوژانی ڕۆژنامەنووسان بێتەوە و ڕێگەنەدات لە سزای یاسایی ڕزگاریان بێت.
No Comment! Be the first one.