چاویارنیوز _ قوباد تاڵەبانی جێگری سەرۆک وەزیرانی هەرێم لە کۆنفرانسەکەدا کە زۆرێکی میدیاکان تێیدا بەشداربوون، باسی لەوەکرد، لەبارەی دووبارە ئەنجامدانەوەی هەڵبژاردن لە هەرێم، هیچ هۆکارێک نابینم ئەو هەڵبژاردنە دووبارە بکرێتەوە.
لەپرسیاری یەکێک لە ڕۆژنامەنووساندا کە پرسیاریکرد: نەوەی نوێ بەشداریی حکومەت دەکات؟ تاڵەبانی ڕایگەیاند: لەگەڵ پارتی باس لەوە نەکراوە کە حکومەتێکی بنکەفراوان پێکبهێنین، من ناتوانم لەبری نەوەی نوێ وەڵام بدەمەوەو ئەوە دەبێت خۆیان بڕیاربدەن.
ئەوەی جێگەی ئاماژە بۆ کردنە، ساڵێکە لەهەرێم هەڵبژاردنی پەرلەمانی کوردستان ئەنجامدراوە، بەڵام پێکهێنانی حکومەت تادێت دوادەکەوێت و هیچ ئاسۆیەک بۆ پێکهێنانی حکومەت نییە، ئەوەش بۆ ڕێکنەکەوتنى پارتى و یەکێتى لەسەر دابەشکردنى پۆستەکان دەگەڕێنرێتەوە.
بەپێی یاسا پێویستە 50+1ی کورسییەکانی پەرلەمانی کوردستانی پێویستە بۆ پێکهێنانی حکومەت، واتە 51 لە کۆی 100 کورسی.
قوباد تاڵەبانی: ئامادەین بۆ گفتوگۆ لەگەڵ پارتی
لە کۆنفرانسێکی ڕۆژنامەوانیدا کە دوێنێ لەسلێمانی بەڕێوەچوو، قوباد تاڵەبانی جێگری سەرۆکی حکومەت، نەیشاردەوە کە لەسەر تەواوی لایەنەکانی پێکهێنانی کابینەی نوێ، ئامادەن بۆ گفتوگۆکردن لەگەڵ پارتی و وتیشی: حکومەتێکی سەرکەوتوو بەبێ یەکێتی پێکناهێنرێت.
No Comment! Be the first one.