چاویارنیوز _ عەلی حەمە ساڵح سەرۆکی رەوتی هەڵوێست رەخنە لەحزبەکانی دەسەڵات دەگرێت و دەڵێت: قۆرخکاریی دەرمان و تاڵانی زەوی و دزی نەما نەیکەن! تەنانەت قومارخانە و شوێنی بەدڕەفتاری، بۆ ئەو دەسەڵاتدارانەی بەم رەمەزانەش خەریکی قاچاخین!
باس لەوەشدەکات، بازگەکانی هەردوولا، بووەتە ناوەندی وەرگرتنی سەرانە، لە میدیاکانیش خەڵک بە بەباتی ئایینی سەرقاڵ دەکەن، خۆیان منداڵیان بووەتە خاوەنی سەدان ملیۆن دۆلار، بەڵام دەیان هەزار بێوەژنیان برسی کردووە، هاوکاریی یەکێک لەبەردەم کامێرا دەکەن بە منەت. کەسێک نیە فتوایەک بدات، بڵێ: تۆ لاینگری هێز گەلێک دەکەیت دزی لە ملیۆنان کەس دەکات؟ ئیسلام دژی ئەمەیەو سزای قورسی لەسەرە.
ئاماژە بەوەشدەکات، میدیایەک بە پارەی دزراو قورئان لێبدات، یان بەرنامەی دینی بکات! تەنیا فریودانە. من دەڵێم: هەرکەس لاینەگری زاڵم و ستەمکاری بکات، شەریک و هاوبەشە لەو زوڵمەو حەقی ملیۆنان کەسی لە گەردنە. خودایە بمرین و نەبینە بەشێک لەم ستەمکاریە.
لەبەرامبەر ئەم دزییەدا، کەسێک نییە فتوایەک بدات!
سەرۆکی رەوتی هەڵوێست لەبەرامبەر ئەو مامەڵە ناتەندروستەی حکومەتی هەرێم لەگەڵ دەکات لەوەرگرتنی سەرانە، داوای فتوا دەکات.
No Comment! Be the first one.