چاویارنیوز _ لەتیف نێروەیی ئەندامی سەرکردایەتیی یەکێتیی نیشتمانیی کوردستان لە بارەی ڕووداوەکەی لالەزارەوە ڕایگەیاند: بابەتی ڕووداوەکەی لالەزار بابەتێکی یاسایی بووە، چەند داواکراوێک بوون و لەلایەن دادگاوە داواکراوبوون و یاسا جێبەجێکرا.
دەڵێت: ئەم بابەتە وەکو حزب و لایەنی سیاسی پەیوەست نییە بە یەکێتیی نیشتمانیی کوردستانەوە، بەڵام بەحوکمی ئەوەی یەکێتیی نیشتمانیی کوردستان دەسەڵاتدارە لەم ناوچەیە وەکو هێزی سەرەکی، بۆیە پشتگیری لەوە دەکات دادگا ڕێچکەی تەندروستیی خۆی بگرێتەبەر و لێکۆڵینەوەکان شەفاف بن، بۆیە لەدوای تێپەڕینی دوو ڕۆژ، بەبڕیاری سەرۆک بافڵ جەلال تاڵەبانی ڕێگا درا کە هەم کەسوکاری گیراوەکان سەردانی کوسوکاریان بکەن لە زیندان، هەم کۆمیسیۆنی مافی مرۆڤ سەردانی زیندانییەکان کردووە، ئەمە جگە لەوەی داوا لەدادگا دەکات ڕێکارە یاساییەکان بگرنەبەر و هیچ لایەنێکی سیاسی دەتنەخاتەناو کاروباری دادگا.
وتیشی: ڕووداوەکەی لالەزار ناتوانێت ئەو واقیعە بگۆڕێت کە، یەکێتی هەر لە سەرەتای دامەزراندنییەوە یەکەم دروشم و دروشمی سەرەکی ئاشتی بووە، یەکێتی دەیەوێت ڕۆحیەتی پێکەوەژیان و سەقامگیریی سیاسی و ئەمنی و کۆمەڵایەتی ڕەنگبداتەوە لە سنووری هەرێمی کوردستان، هەر ئەمەش وایکردووە یەکێتی وەک هێزێکی سۆسیالدیموکرات و بەدەوری کاریزمای مام جەلال ببێتە هێزێکی نێودەوڵەتی.
باسی لەوەشکرد: ئەوەی پێیوایە دۆخی سلێمانی خراپە، ئێمە بەمجۆرە وەڵامی دەدەینەوە، لە دوو ڕۆژ دوای ڕووداوەکەی لالەزار تائێستا، چوار کۆنفرانسی نیودەوڵەتی لەسلێمانی ئەنجامدەدراوە وەک (کۆنفرانسی نێودەوڵەتیی جینۆساید)، (کۆنفرانسێکی تایبەت بە چین کە چەندین دیپلۆماتکار و سەرۆکی حزب و لایەنی سیاسی میوان بوون)، (کۆنفرانسێکی تایبەت بە ژنانی سەربە حزبەکانی سۆسیالدیموکراتی وڵاتان بوو)، (دواین کۆنفرانسیش ڕۆژی پێنجشەممەبوو کە کۆنفرانسێکی نێودەوڵەتی بوو)، ڕاستە ناوی هاوپەیمانی حزبە سۆسیال دیموکراتەکانی جیهانی عەرەبی بوو، بەڵام لەچەندین وڵاتی غەیری عەرەبیش بەشداری کۆنفرانسەکە کرابوو، ناوەڕۆکی کۆنفرانسەکەش پێکەوەژیانی پێکهاتەکان بووە، گیانی لێبووردەیی بووە، چەسپاندنی ئاشتی بووە، پێڕەوکردنی سیستمی دیموکراسی بووە، هێناکەیەی سەقامگیریی ڕیشەیی لە خۆرهەڵاتی ناوەڕاست بووە.
No Comment! Be the first one.