لەدوو مانگدا، 54 چالاکیی ناڕەزایی ئەنجامدراوە

چاویارنیوز – لەدوو مانگدا، 54 چالاکیی ناڕەزایی لە هەرێمی کوردستاندا ئەنجامدراوە.
چاویارنیوز _ تۆڕی هاوپەیمانی (19) باس لەوەدەکات، تەنها لەدوو مانگی نیسان‌ و ئایارى ئه‌مساڵدا، لە هەرێم، (54) چالاكی ناڕەزایی، خۆپیشاندان، گردبونەوەیان ڕێكخستووە، (23) چالاكییان لە مانگی نیسان، (31) چالاكییان لەمانگی ئایار بووە، ڕێگەش نەدراوە بە سێ چالاكیی مەدەنی، لەو ماوەیەدا دوو هاووڵاتیش دەستگیركراون.
تۆڕی هاوپەیمانی جۆری داواکارییەکانی بەمشێوەیە ڕێکخستووە، لەمانگی نیسان (6) چالاكی بۆ خزمەتگوزاریی‌و (6) چالاكی بۆ مووچەو (2) چالاكی دژ بەجینۆسایدی گەلی كورد، (2) خۆپیشاندان بۆ پشتیوانی غەزەش ڕێگریی لێكراوە، (7) چالاكی داخوازی جیاجیا بوون، شوێنی چالاكییەكانیش (13) چالاكی لەسلێمانی، (10) چالاكی لەهەولێر.