چاویارنیوز _ د.ئەحمەد میرە مامۆستای زانکۆ و رۆژنامەنووس ڕایگەیاند: کەناڵەکانی پارتی جیاوازی لەنێوان پرسە سیاسییەکان لەگەڵ بارودۆخی شارەکان بەتایبەت سلێمانی ناکەن، ماوەیەکیشە شەپۆلێکی میدیایی ناڕەوا لەلایەن میدیاکانی پارتییەوە کە پارەی زۆریان بۆ تەرخانکراوە دژی سلێمانی هەیە و پرسە سیاسی و کۆمەڵایەتی و تەنانەت فەرهەنگی و خزمەتگوزارییەکانیشی لە شاری سلێمانی کردووەتە ئامانج.
ئاماژەی بەوەشکرد، هەموو ئەو کەناڵانەی بەو شێوازە هێرشدەکەنەسەر سلێمانی، من بە کەناڵ و میدیایان نازانم و لەژێر پەردەی دەزگایەکی سیخوڕی کار بۆ هەڵگیرساندنی شەڕی ناوخۆ و جێبەجێکردنی ئەجێندای ئیرهابی دەکەن، ئەو میدیایانە هەمیشە هەوڵی دروستکردنی رۆشنبیری ساختە دەدەن و لەڕێگایانەوە پەلاماری سلێمانی دەدەن، بەڵام ئەگەر سەرۆک وەزیرانی هەرێم نیشتمانییانە بیر بکاتە، دەبوو سزای ئەو کەناڵە نامۆڕاڵانەی بدایە و دەرسیان دابدات.
وتیشی: هەندێک میدیای سیخوڕی لە هەولێر هەن، کە بەهەموو شێوەیەک هەوڵی ناشرینکردنی سلێمانی دەدەن و لە سیاسەت و سەوزایی و شیعر و شانۆ روشنبیری شارەکە دەخوێنن، بۆیە گرنگە پێش هەموو کەس پارتییەکانی سلێمانی ئەوە قبوڵ نەکەن، ئەو میدیا سیخوڕانە بشکێنن و رێگا راستەکەیان نیشان بدەن.
د.ئەحمەد میرە:
میدیاکانی پارتی سیخوڕی دەکەن
مامۆستایەکی زانکۆ پێیوایە، هەموو ئەو میدیا و پەیجە سێبەرانەی لەچەند ڕۆژی ڕابردوودا هەوڵی ناشرینکردنی سلێمانییاندا، میدیای سیخوڕ.
No Comment! Be the first one.