چاویارنیوز _ کەناڵی ڕووداو چاوپێکەوتنێکی لەگەڵ پێشمەرگەیەک بەناوی عەدنان زوهێردگ کردووە کە برینداری شەڕی داعشە و نابەرپرسیارانە و بە بێ مۆڵەتی خۆی چەند گرتەیەکی ڤیدیۆیی لێ بڵاو کردۆتەوە.
ئەوە لە کاتێکدایە کە ئەو پێشمەرگەیە نەخۆشیشی هەبووە و ڕووداو بەداخەوە ڕەچاوی دۆخی نەخۆشیەکەی نەکردووە لەبری ئەوەی پەیوەندی بە لایەنی پەیوەندیدار بکات تەنیا لەبەر وروژاندنی خەڵک و بەدەستهێنانی ڤیوی زیاتر ئیستغلالی ئازارەکانی ئەو پێشمەرگەیەی کردووە.
دوای بڵاوبوونەوەی ئەو بابەتە لەلایەن رووداوەوە فەرماندەیی زێرەڤانی هەڵسا بە بەدواداچون بۆ ئەم بابەتە و دواجاریش دەرکەوت لایەنە پەیوەندیدارەکان هەر لەسەرەتای برینداربوونی ئەو پێشمەرگە قارەمانە بۆ چاکبوونەوەی یارمەتیان داوە و هاوکاری کراوە و بە بەردەوامی ڕەچاوی دۆخی تەندروستی و ژیانی کراوە و بە بڕیاری لیژنەی پزیشکی، وەزارەتی پێشمەرگە خانەنشینی کردووە.
پێویستە راگەیاندنەکان بەرپرسیارانە مامەڵە بکەن و بە هیچ شێوەیەک بۆ سەبقی خەبەری و ڤیوی زیاتر ئیستغلالی ئازار و بەرائەتی پێشمەرگە و خەڵکی کوردستان نەکەن.
هێزی زێرەڤانی پارتی هێرش دەکاتە سەر کەناڵی رووداو
زێرەڤانی لە ڕوونکردنەوەیەکدا ڕەخنەی توند لە کەناڵی ڕووداو دەگرێت کە دیداری لەگەڵ پێشمەرگەیەکی هێزەکەیان بڵاوکردۆتەوە و ئەمەش دەقی بڵاوکراوەکەی زێرەڤانییە بۆ کەناڵی ڕووداوی پارتی.
No Comment! Be the first one.