چاویار نیوز _ شنیار ئەنوەر ئەندامی پەرلەمانی کوردستان دەڵێت: ئێمە وەک ئەندامی پەرلەمانی کوردستان، بەهەموو شێوەیەک دژی ئەو بریارەی وەزارەتی دارایی حکومەتی کاربەرێکەری هەرێم دەوەستینەوە کە هەڕەشە لە خانەنشینان دەکات ئەگەر “هەژماری من” پر نەکەنەوە ئەوە مووچەکانیان رادەگیرێت.
ڕاشیگەیاندووە، نابێت وەک هەڕەشە باسی مووچە بکرێت و جارێ هیچ وەزارەت و حکومەتێک ڕێگەی پێنەدراوە بە راگرتنی مووچەی هیچ چین وتوێژێکی هاووڵاتیان، دەبێت فەرمانبەران ئازادبن لە بابەتی هەژماری بانق بۆ موووچەکانیان.
ئاماژە بەوەشدەکات، با دانیشتنەکانی پەرلەمان دەستپێبکات، ئەوا ئێمە لەگەڵ هەر دەنگ و گروپێک دەبین کە پشتیوانیی مافی خەلک و فەرمانبەران بکات، یەکەم کەسیش دەبین کە لێپرسینەوە لە حکومەت دەکەین، چونکە “هەژماری من” پرۆژەیەکە هیچ بڕیار و یاسایەکی نییەو دژی بەزۆر سەپاندنی پرۆژەی نایاسایی و بەرژوەندیی بانقەکان دەبین.
شنیار ئەنوەر:
هەژماری رەشمار بەزۆر بەسەر کەسدا ناسەپێنرێت
ئەندامێکی پەرلەمانی کوردستان ڕایگەیاندووە، هیچ کەس و لایەنێک ناتوانێت بەزۆر “هەژماری رەشمار” بەسەر خانەنشینان دا بسەپێنن.
No Comment! Be the first one.