چاویارنیوز _ ئەمڕۆ چوارشەممە، عەلی حەمە ساڵح بڕیاردەری ڕەوتی هەڵوێستی نیشتیمانی، سەردانی مامۆستا عەلی باپیر سەرۆکی کۆمەڵی دادگەریی کوردستانی کرد.
بەپێی ڕاگەیەنراوێک کە عەلی حەمەساڵح لە تۆڕی کۆمەڵایەتیی فەیسبووک بڵاویکردۆتەوە، هەڵوێست و کۆمەڵ گفتوگۆیان لەسەر پەرەسەندنە سیاسییەکان و دەرئەنجامی هەڵبژاردنی ئەنجوومەنی نوێنەرانی عێراق کردووە.
بەپێی بڵاوکراوەکەی بڕیاردەری ڕەوتی هەڵوێست، تەوەرێکی سەرەکی دانیشتنەکە بریتی بووە لە قسەکردن لەسەر چۆنیەتی کارکردن لە بەغدا؛ لەم ڕووەوە هەردوولا هاوڕابوون لەسەر پێویستیی هەماهەنگی و کاری پێکەوەیی لە ئەنجوومەنی نوێنەرانی عێراق. ئەوەش بە ئامانجی داکۆکیکردن لە مافەکانی کورد و نوێنەرایەتی ڕاستەقینەی خەڵکی کوردستان.
هەڵوێست و کۆمەڵ کاری پێکەوەیی ڕادەگەیەنن
لەپێناو کاری هاوبەش و کاری پێکەوەیی عەلی حەمە ساڵح سەردانی مامۆستا عەلی باپیری کردو تاوتوێی چەند بابەتێکیان کرد.
No Comment! Be the first one.