چاویارنیوز _ لە ڕاگەیەنراوێکی وەزارەتی پێشمەرگەدا هاتووە “بەتوندی ئیدانە و سەرکۆنەی ئەو ڕەفتارەی سەربازەکەی سوپای عێراقی دەکەین کە لە دووزخورماتوو پەلاماری گەنجێکی کورد دەدات بەبۆنەی، هەڵکردنی ئاڵای کوردستانەوە”.
وه‌زاره‌تى پێشمه‌رگه ئاماژە بەوەشدەکات: ئەو ڕووداوە پێشێلکردنی مافە سەرەتاییەکانە و هەڵکردنی ئاڵای کوردستانیش ناسنامە و ڕەمزی کوردستانە، به‌گوێره‌ى دەستووریش ئاڵای کوردستان دانی پێدانراوە لە عێراقی فیدراڵی دیموکراتیدا.
وه‌زاره‌تى پێشمه‌رگه لەکۆتایی ڕاگەیەنراوەکەیدا باس لەوەدەکات، هۆشداریى به‌لایه‌نه ئه‌منیى و سه‌ربازییه‌كانى سنووره‌كه ده‌دات و داوادەکات لەلایەنی یاسایی‌و فەرماندەیی ئۆپەراسیۆنە هاوبەشەکانی عێراق کە بەخێرایی هەنگاوبنێن و لێپرسینەوەیەکی جدی بکەن لەسەر ئەو ڕووداوە.
وه‌زاره‌تى پێشمه‌رگه له‌سه‌ر ڕووداوه‌كه‌ى خورماتوو هاته‌ده‌نگ
دواى ئەوەی لەسەر بەرزکردنەوەی ئاڵای کوردستان ، سەربازێکی عێراق هێرشیكرده‌سه‌ر گه‌نجێكى شارۆچكه‌ى خورماتوو، وه‌زاره‌تى پێشمه‌رگه‌ی حکومەتی هەرێم هاته‌ده‌نگ و دەڵێت: بەتوندی ئەو ڕووداوە ڕەتدەکەینەوە و سەرکۆنەی ئەو ڕەفتارە نادروستە دەکەین.
No Comment! Be the first one.