پارتی ڕاسپێردراوە دژایەتیی كورد بكات

چاویارنیوز – پێشڕەو مەلاوەیسی ڕۆژنامەنوس و میدیاكار دەڵێت: پێمسەیرە سەرباری ئەو هەموو خزمەتەی لە كەركوك لەماوەی یەك ساڵی حكومڕانی شار لەلایەن ڕێبوار تەها، كەچی كوردێكی پارتی بەو جۆرە دژایەتی بكات، چی كوردێك؟ كوردێكی هەڵگری هەویەی پێش پرۆسەی ئازادی!
ڕاشیدەگەیەنێت: هەرچەندە ئێستا لەسەر حیسابی شۆڕش و خوێنی شەهیدان پۆستێكی سیادی لە عێراق حبیبەكەی خۆی وەرگرتووە، ناهەقیشی ناگرم ئەگەر چاوی بە خزمەتەكانی ڕێبوار تەها پارێزگارە كوردە مێژوو پاكەكەی كەركوك هەڵنەیەت، چونكە ئەو تا ئێستاش وادەزانی پێش ٢٢ساڵ بەر لەئێستایە و هەمان سیاسەتی ئەوێ ڕۆژێ دژاتی كەركوك و هاو زمانەكەی خۆی بكات.
باس لەوەشدەکات، ڕاستەكات، ڕێبوار تەها ڕێگەی نەداوە بیر كلێنسەكان وەك پێشوو بەویستی خۆیان موزایەدە بەسەر خەڵكە بەشمەینەتەكەی كەركوكدا بكەن، ڕێبوار تەها بەكردار خزمەتی كردووە سەرجەم چین و توێژەكانی ئەو شارە خاوەن ویژدان و كەسە ڕاستبێژوو حەق گوفتارەكان شاهیدی خزمەتەكانی ڕێبوارەكەی ڕێگەی خزمەتی كەركوكن.
وتیشی: ئەو شاخەوانەی تا ئێستا بەردێكی بۆ كەركوك و كورد نەخستبێتەسەر بەردێك چلۆن چاوی ئەو هەموو خزمەتەی ئەو شارە دەبینێت كە كراوە.
ئاماژە بەوەشدەکات: خۆ ناهەقی ناگرم، ئەوان ڕاسپێردراون كە بەو جۆرە دژایەتی كورد بكەن، چۆن دەنگیان خستبووە پاڵ دەنگی بیر ڕاكانەكان كە كورد نەبێتە پارێزگاری كەركوك بۆیە ئەم جۆرە ڕەفتار و گوفتارانەش چاوەڕوانكراون، بۆیە هەقە ئەوەی زەڕەیەك چاوی دەبینێت و خزمەت و شەوونخونییەكانی ڕێبوار تەها” دەبینێت نابێت بێدەنگ بێت لە ئاست بیر نەگۆڕاوەكانی پێش پرۆسەی ئازادی عێراق.