چاویارنیوز _ بانگەشەی هەڵبژاردن بۆ خولى شەشەمى نوێنەران لە ٣ـى تشرینى یەکەم دەستى پێ کردووە و لە ٨ـى تشرینى دووەم بانگەشە دەوەستێت، هەڵبژاردنەکەش لە ١١-١١-٢٠٢٥ بەڕێوەدەچێت، کۆمیسیۆنى هەڵبژاردنەکانیش دەڵێت: لەسەرتاسەرى عێراقدا 21 ملیۆن و 404 هەزار و 291 دەنگدەر تۆمارى بایۆمەترییان هەیە و مافى دەنگدانیان هەیە، لەو ژمارەیە سێ ملیۆن و 68 هەزار و 384 دەنگدەریان لەهەرێمن. بەمەش دەنگدەری هەرێم %14.3ی دەنگدەرانى عێراق پێکدەهێنن.
بەپێی ئەو لیستەی بۆ ناوی کاندیدەکان کۆمیسیۆن پەسەندی کردووە، ژمارەی بەربژێرەکان حەوت هەزار و 768 کاندیدن، کە پێنج هەزار و 520یان پیاون و دوو هەزار و 248یان ژنن. بەمەش %71ی پیاون و %29 ژنن.
کۆمیسیۆن ئاماژەی بەوەشکردووە، ژمارەی کاندیدەکانی هەرێم 303 کاندیدن، پارتى 88 کاندید، یەکێتى 71 کاندید، ڕەوتى هەڵوێست 32 کاندید، نەوەى نوێ 25کاندید، بەرەى گەل: 20کاندید، یەکگرتووى ئیسلامى 16 کاندید، کۆمەڵى دادگەرى 14 کاندید، پارتى سۆسیال دیموکرات 13 کاندید، بەرەى تورکمانیى عێراقى 9 کاندید، 15 کەسیش وەک سەربەخۆ خۆیان کاندید کردووە.
303 کاندیدی هەرێم لەپێشبڕکێدا
زیاتر ٢١ ملیۆن دەنگدەر مافى دەنگدانیان هەیە، لەو ژمارەیەش نزیکەی سێ ملیۆنیان لە هەرێمە، لە حەوت هەزار و 768 کاندیدیش 300 کاندیدیان لە هەرێمە. لە سێ پارێزگاکەى هەرێمى کوردستاندان.
No Comment! Be the first one.