چاویارنیوز _ لەگوندی گوڵەخانە، بەسەرپەرشتی محەمەدی حاجی مەحمود سەرۆکی حزبی سۆسیال دیموکراتی کوردستان هەردوو ئەنجومەنی (سەرکردایەتی) و (راوێژکاری و چاودێری) و بەرپرسی مەکتەب و مەڵبەندەکانی حزبی سۆسیال دیموکرات کۆبوونەوە و تێیدا محەمەد حاجی مەحمود باسی لە ئەنجامدانی پرۆسەی هەڵبژاردنی ئەنجومەنی نوێنەران و لێکەوتەکانی کرد، بەتایبەت بۆ حزبی سۆسیال دیموکراتی کوردستان کە نەیتوانیوە دەنگی پێویست بۆ مسۆگەرکردنی کورسی بەدەستبهێنێت و ئەنجامەکانی بە شکست بۆ حزب و گشت هەڤاڵان ئەژمارکردووە.
لەکۆبوونەوەکەدا، محەمەد حاجی مەحمود ئەندامانی حزبەکەی راسپاردووە لێکۆڵینەوەی ورد بکرێت لە هۆکاری کەمبوونەوەی دەنگەکانی سۆسیال دیموکرات و لێپرسینەوە لەو هەڤاڵانە بکرێت کە کەمتەرخەم بوون و وەک پێویست ئەرکەکانیان ڕانەپەڕاندووە و بەشێک بوون لە هۆکاری کەمکردنەوەی دەنگەکانیان، بۆیە لەکۆبوونەوەکەدا بڕیاردراوە، بە گۆڕانکاری لە دەزگا و ئۆرگانەکانی حزب و داڕشتنەوەی پەیکەری ڕێکخستنی مەکتەب و مەڵبەندەکان لەسەر تەرزێکی نوێ کە بگونجێت لەگەڵ دۆخ و قۆناغەکەدا.
بەهۆی خراپی ئەنجامەکانی هەڵبژاردنەوە حزبی سۆسیال دیموکراتی کوردستان لێپرسینەوەی دەستپێکرد
دوای ڕاگەیاندنی ئەنجامی هەڵبژاردنی ئەنجومەنی نوێنەرانی عێراق، حزبی سۆسیال دیموکراتی کوردستان بڕیاریدا لێکۆڵینەوە هۆکاری کەمبوونەوەی دەنگەکانی بکات و گۆڕانکاری لە دەزگا و ئۆرگانەکانی حزب بکات.
No Comment! Be the first one.