چاویارنیوز _ لەلایەن سەرکردایەتیی حزبی دیموکراتی ئاشورییەوە کە کۆنترین حزبی مەسیحیی هەرێم و عێراقە، یونادم یوسف کەنا سکرتێری پێشووی حزبەکە دەرکرا، ئەوەش بەبیانووی ئەوەی یونادم یوسف پابەندی بڕیاری حزبەکە نەبووە بۆ بایکۆتی هەڵبژاردن، هاوکات هەستاوە بە پشتیوانیکردنی پارتی دیموکراتی کوردستان و کەسێکی مەسیحی بەناوی عیماد یوخنا لە کەرکوک کاندید کردووە، کە بە دەنگی پێشمەرگەی پارتی توانیویەتی 17 هەزار دەنگ بەدەستبهێنێت.
میدیاکان بڵاویانکردەوە، سەرکردایەتیی حزبەکە، نەک تەنها سکرتێرەکەیان، بەڵکو کاندیدە دەرچووەکەشیان لە ڕیزی حزبەکەی دەرکردووە، بۆیە لەئێستادا حزبی دیموکراتی ئاشوری داوای چاکسازی لە سیستمی هەڵبژاردن دەکات، بۆ ئەوەی لەهەلبژاردنەکاندا تەنها دەنگدەری پێکهاتەی مەسیحی بتوانن دەنگ بە کاندیدی مەسیحی بدەن، نەک وەک ئێستا بەدەنگی پێشمەرگە کاندیدە مەسیحییەکان دەردەچن.
بەهۆی چونەپاڵ پارتی، سکرتێری حزبێک دەرکرا
لەلایەن سەرکردایەتیی حزبی دیموکراتی ئاشوورییەوە، سکرتێری حزبەکە کە کۆنترین حزبی مەسیحییە، سکرتێری حزبەکە دەرکرا.
No Comment! Be the first one.