چاویارنیوز _ بەڕێوەبەرایەتیی ئاسایشی سلێمانی بڵاویکردەوە، دوای ئەوەی لە 7-10-2025 ، سەعات 11ی شەو کەسێک بەناوی (ب،أ،ی،ک) لە دایکبووی (1995) هەڵدەستێت بە تەقەکردن لە بارەگای لایەنێکی سیاسی لە شارۆچکەی عەربەت، هێزەکانیان بە بەدواداچوونی وورد و کۆکردنەوەی زانیاری پێویست، توانییان ئەو تۆمەتبارە دەستگیر بکەن و دەست بگیرێت بەسەر ئەو چەکەشدا لە جۆری کڵاشینکۆف کە تاوانەکەی پێ ئەنجامداوە.
ئاسایشی سلێمانی دەڵێت: تۆمەتبار دانی بە تاوانەکەیدا ناوە و پیشەی پێشمەرگەیە، باوکی شەهیدی هەمان حیزبە، تەقەی لە بارەگاکەیان کردووە بەهۆی جێبەجێنەکردنی داواکارییەکانی کە ئاراستەی حیزبەکەی کردووە.
تەقەکەرەکە کادری پارتی خۆی بوو
دوای ئەوەی تەقە لە بارەگای پارتی لە عەربەت کرا، ئاسایشی سلێمانی ئەو کەسەی دەستگیرکرد و رایگەیاند: ئەو کەسە تەقەی لە بارەگای پارتی کرد لە ناحیەی عەربەت، دەرکەوت پێشمەرگەی هەمان حیزبە.
No Comment! Be the first one.