چاویارنیوز _ ئاسۆ مامەند سەرپەرشتیاری كەركوک _ سەڵاحەدینی یەكێتیی نیشتمانیی كوردستان لە کۆنگرەیەکی ڕۆژنامەوانیدا وتی: ڕاستە ئێمە وەک کورد ژمارەیەک دەنگمان لە کەرکوک سووتاوە، بەڵام تائێستا کورد یەکەمە و ڕێژەی 41%ی دەنگەکانى ئەو پارێزگایەی بەدەستهێناوە، ئەمەش ڕێژەیەکی زۆرە بەبەراورد بە پێکهاتەى عەرەب 38% و پێکهاتەى تورکمان 16%ی دەنگەکان.
بەبڕوای ئاسۆ مامەند، یەکێتی لە کەرکوک بەراورد بە هەڵبژاردنى 2021، بەشێوەیەکی بەرچاو 13% دەنگەکانى زیادیکردووە، بەڵام ئێمە دڵخۆش نین بە سووتاندنی ئەو ژمارە زۆرەی دەنگى کورد لە کەرکوک، ئەوەش پەیوەندیی بە بچووکی بەشێک لەو لیستانەوە هەبووە کە دەیانزانی ڕێژەى دەنگی پێویست بۆ کورسى بەدەستناهێنن.
وتیشی: هۆکاری سوتانی بەشێکی دیکەی دەنگی کورد لە کەرکوک، پارتی بوو کە دەنگیاندا بە کاندیدی کۆتاى کریستیان لە کەرکوک، ئەمە جگە لە ڕێگریی لە بەشێک لە دەنگدەر لەلایەن بازگەى شێراوەوە بۆ ئەوەى نەچنە کەرکوک بۆ دەنگدان.
پارتی هۆکاری سووتاندنی دەنگەکانی کورد بوو لە کەرکوک
سەرپەرشتیاری كەرکوک _ سەڵاحەدینی یەکێتیی نیشتمانیی کوردستان ئاماژە بەوەدەکات، پێکهاتەی کورد 41%ی دەنگەکانى کەرکوکی بەدەستهێناوە، ئەمەش زۆرینەیە بەبەراورد بە پێکهاتەی عەرەب 38% و تورکمان 16%ی دەنگی کەرکوکیان بەدەستهێناوە، بەڵام پارتی هۆکاری سەرەکی بوو لەدەستدانی کورسییەکی کوردی لە کەرکوک.
No Comment! Be the first one.