چاویارنیوز _ قوباد تاڵەبانی جێگری سەرۆک وەزیرانی هەرێم ڕایگەیاند: لەکۆبوونەوەم لەگەڵ وەفدێکی ئەنجومەنی بازرگانیی ئەمریکا – کوردستان لەبارەی غازی کوردستانەوە، روونمکردەوە ئەولەویەتی ئێمە بەکارهێنانیەتی بۆ پڕکردنەوەی پێداویستییەکانی ناوخۆ و گەشەپێدانی ژێرخانی پیشەسازی و ئابوریی هەرێم.
لە پۆستێکدا کە لە تۆڕی کۆمەڵایەتیی فەیسبووک بڵاویکردۆتەوە، قوباد تاڵەبانی دەڵێت: داواشمکرد کۆمپانیا ئەمریکییەکان بەشدارییەکی کاراتر و کاریگەرتریان هەبێت لە پرۆسەی گەشەپێدانی کوردستاندا و حکومەتی هەرێمیش ئامادەیە بۆ پێشكەشکردنی هەموو جۆرە هاوکاری و کارئاسانییەک.
پێویستە یاسای نەوت و غاز پەسەند بکرێت
جێگری سەرۆک وەزیرانی هەرێم باس لە پەسەندکردنی یاسای نەوت و غاز دەکات لەم خولەی ئەنجومەنی نوێنەرانی عێراقدا، تا بەشێوەیەکی گونجاو کێشەکانی نێوان هەرێم و بەغداد چارەسەربکات.
No Comment! Be the first one.