چاویارنیوز _ پێشەوا هەورامانی وتەبێژی حكومەتی هەرێم لە کۆنگرەیەکی ڕۆژنامەوانیدا ڕایگەیاند: ئێستا توانای بەرهەمهێنانی نەوت گەیشتۆتە 234 هەزار بەرمیلی رۆژانە، پێمانوایە لەماوەی 48 سەعاتی داهاتوودا بابەتی هەناردەكردنەوەی نەوتی هەرێم چارەسەر ببێت.
وتیشی: رێككەوتنی نێوان حکومەتی هەرێم و ناوەند لەبارەی نەوتەوە تەنها بۆ ماوەی سێ مانگە.
ڕاشیگەیاند: حكومەتی هەرێم داوای بۆچوونی ئەنجومەنی دەوڵەتی نەكردووە لەبارەی داهاتە نانەوتییەكانەوە
وتەبێژی حکومەت ئاماژەی بەوەشکرد، لەگەڵ گەیشتنی پارە بۆ هەرێم دەست بە دابەشکردنی مووچەی مانگی 7 دەكەین و ئامادەین 120 ملیار دیناری داهاتی ناوخۆش بنێرین بۆ بەغدا.
ڕێککەوتنی هەرێم و ناوەند بۆ سێ مانگە
وتەبێژی حکومەتی هەرێم ڕایگەیاند: ئەو ڕێککەوتنەی لەنێوان حکومەتی هەرێم و حکومەتی ناوەند کراوە لەبارەی نەوتەوە تەنها بۆ ماوەی سێ مانگ دەبێت.
No Comment! Be the first one.