چاویارنیوز _ بەپێی راگه‌یه‌نراوەکەی فه‌رمانگه‌ی میدیا و زانیاری، لەکۆبوونەوەی چوارشه‌ممه‌ی ئەنجومەنی وەزیراندا به سه‌رپه‌رشتیی مه‌سرور بارزانی، خاڵی یه‌كه‌م تایبه‌تکراوە به خستنه‌ڕووی بابه‌تی ڕێككه‌وتنی سێ لایه‌نه‌ی حكومه‌تی فیدڕاڵ و حكومه‌تی هه‌رێمی كوردستان و كۆمپانیا نه‌وتییه‌كان تایبه‌ت به ده‌ستپێكردنه‌وه‌ی هه‌نارده‌ی نه‌وتی هه‌رێمی كوردستان و ئەنجومەنی وەزیران پشتیوانی لە رێککەوتنەکە کردووە و ڕایگەیاندووە ئامادەن 120 ملیاری داهاتی نانەوتی بخەنەسەر هەژماری وەزارەتی دارایی فیدراڵ.
بەپێی ڕاگەیەنراوەکە، ئێستا ئاسته‌نگی قورس لەبەردەم هەناردەم نەوت نه‌ماوه و ته‌واوی نه‌وتی به‌رهه‌مهاتووی هه‌رێمی كوردستان و به‌بازاڕكردنی له‌لایه‌ن كۆمپانیای سۆمۆوه، جگه له‌و به‌شه‌ی به ڕێككه‌وتننامه‌ی هاوبه‌ش بۆ به‌كارهێنانی ناوخۆ ته‌رخانكراوه، ئامادەی هەناردەکردنە.
لای خۆشیەوە، ئامانج ڕه‌حیم سكرتێری ئه‌نجومه‌نی وه‌زیران، ورده‌كاریی مادده و بڕگه‌كانی ڕێككه‌وتننامه‌كه و پابه‌ندی و ماف و شایسته‌كانی هه‌ر یه‌ك له حكومه‌تی فیدڕاڵ و حكومه‌تی هه‌رێم و كۆمپانیا نه‌وتییه‌كانی ڕونكردۆتەوە و پێیوابووە “ئەم ڕێککەوتنە سه‌قامگیری له ناردنی ماف و موچه و شایسته داراییه‌كانی هه‌رێمی كوردستان دێنێته‌كایه‌وه و چیتر موچه‌خۆرانی هه‌رێم بێبه‌ش ناکرێن له وه‌رگرتنی موچه‌كانیان له كات و ساتی خۆی.
ڕەنگە ئەمڕۆ 120 ملیار دینار بخرێتەسەر هەژماری وەزارەتی دارایی فیدڕاڵ
ئه‌نجومه‌نی وه‌زیرانی هه‌رێم نەیشاردۆتەوە کە پشتیوانی خۆی بۆ ڕێككه‌وتننامه‌ی سێ لایه‌نه بۆ هه‌نارده‌كردنه‌وه‌ی نه‌وتی هه‌رێمی كوردستان پیشانداوە و داهاتی نانەوتیش ڕادەستی بەغدا دەکات.
No Comment! Be the first one.