چاویارنیوز – ئەمڕۆ لەکاتی بەڕێوەچونی کۆنفراسی یەکێتی قوتابیان‌و لاوانی سەر بە پارتی دیموکراتی کوردستان لەشاری کەرکوک، ژمارەیەک ئەندامی کۆنفرانسەکە وەک ناڕەزایەتییەک کاروانی ئۆتۆمبێلەکانی بەرپرسی لقی سێی حزبەکەیان بەردباران کرد و جامی ئۆتۆمبێلەکانیان شکاند.
یەکێک لەئەندامانی کۆنفرانسەکە وتی، محەمەد کەمال، بەرپرسی لقی سێی پارتی دەستوەردانی کردوە لە کۆنفرانسەکە و بە فشار هەوڵیداوە دەنگدانەکە لە بەرژەوەندی خۆی و کەسە نزیکەکانی یەکلابکاتەوە.
ئەوەشیخستەڕوو، بەرپرسی لق دەیەوێت کەسێک لەو هەڵبژاردنەدا دەربچێنێت کە شایستە و شیاو نییە، ئەمەش ناڕەزایەتی لەناو ئەو کادیرە گەنجانەی پارتی دروستکردوە، کە چەند ساڵێکە لەناو ئۆرگانەکانی ئەو حزبەدا کاردەکەن.
بەوتەی ئەو کادیرەی پارتی، گرژییەکان دوای ئەوە ڕویاندا کە محەمەد کەمال بەرپرسی لقی سێی پارتی فەرمانی بە ئاسایشەکانی بارەگاکە کرد ئەو کادرە ناڕازییانەی پارتی بکەنە دەرەوە، ئەوەش کاردانەوەی لێکەوتەوە.
بەپێی زانیارییەکان، ئەم کۆنفرانسە بۆ هەڵبژاردنی بەرپرسی لقی نوێی یەکێتی قوتابیان و لاوانی کەرکوک و چوار کارگێڕی لقەکە بەڕێوەچوو.
No Comment! Be the first one.