چاویارنیوز – بەهجەت ئەحمەد شارەزای نەوت و غاز ڕایدەگەیەنێت: ئه‌مرۆ كۆمپانیاى DNO راپۆرتى دارایی خۆى بۆ چاره‌كى دووه‌مى ئه‌مسال بلاوكرده‌وه، كه تێدا ئاماژه‌ى به‌وه كردوه قازانجى كۆمپانیاكه زیادى كردوه به رێژه‌ى 37% و ئاستى قازانجى گه‌یشتۆته 258 ملیون دۆلار، به‌رهه‌مهێنانى نه‌وت له هه‌رێمى كوردستان 56 هه‌زار و 100 به‌رمیل نه‌وت بووه.
دەڵێت:جێگه‌ى سه‌ره‌نجه به‌رهه‌مهێنان له‌هه‌ردوو كێلگه‌ى تاوكى فیشخاپور به‌رده‌وامه له دابه‌زین، به‌پێی راپۆرتى سالانه كۆمپانیاكه له سالى 2024 به‌رهه‌مهێنان 78 هه‌زار و 600 به‌رمیل بووه، له چاوه‌كى یه‌كه‌مى ئه‌مسال ئاستى به‌رهه‌مهێنان له هه‌ردوو كێلگه‌ى تاوگى و فیشخاپور 61 هه‌زار و 600 به‌رمیل نه‌وت دابه‌زیوه، له چاره‌كى دووه‌م دابه‌زیوه بۆ 56 هه‌زار و 100 به‌رمیل نه‌وت، واته رێژه‌ى به‌رهه‌مهێنان كه‌مى كردووه به برى 5 هه‌زار و 500 به‌رمیل رۆژانه به‌رهه‌مهێنان كه‌مى كردوه، هه‌روه‌ها ئاماژه‌ى به‌وه كردوه دواى هێرشه درۆنیه‌كان به‌رهه‌مهێنان بووه به 55 هه‌زار به‌رمیل نه‌وت، واته هه‌زار و 100 به‌رمیل كه‌متر له پێش هێرشه‌كان.
وتیشی: ئه‌م ژمارانه مه‌ترسیه‌كى گه‌وره‌مان پێده‌لێن له‌سه‌ر ئه‌و دوو كێلگه نه‌وتیه، كه پێش راوه‌ستانى هه‌نارده‌كردنى نه‌وتى هه‌رێم له رێگه‌ى بۆرى به‌رهه‌مهێنان له‌و كێلگانه له سه‌رو 100 هه‌زار به‌رمیل نه‌وت بووه، به‌لام به‌رده‌وام له دابه‌زینه‌ن كه ئه‌گه‌رى ووشك بوونى كێلگه‌كه هاوشێوه‌ى چه‌ند كێلگه‌یه‌كى نه‌وتى تر به‌هێز ده‌كات.
باسی لەوەشکرد: بۆیه پێویسته به‌رپرسانى هه‌رێم ئه‌م راپۆرته به زه‌نگێكى مه‌ترسی ووشك بوونى ئه‌و دوو كێلگه‌یه بزانن له هۆكارى ئه‌م كه‌م بوونه به‌رده‌وامه بكۆلنه‌وه و بریارێك بده‌ن بۆ دیاریكردنى رێژه‌ى به‌رهه‌مهێنان له‌و كێلگانه.
بەهجەت ئەحمەد شارەزای نەوت و غاز:
راپۆرتى كۆمپانیاى DNO مه‌ترسیه‌ك ئاشكرا ده‌كات
شارەزایەکی ئابووری باس لەوەدەکات: بۆیه پێویسته به‌رپرسانى هه‌رێم ئه‌م راپۆرته به زه‌نگێكى مه‌ترسی ووشك بوونى ئه‌و دوو كێلگه‌یه بزانن له هۆكارى ئه‌م كه‌م بوونه به‌رده‌وامه بكۆلنه‌وه و بریارێك بده‌ن بۆ دیاریكردنى رێژه‌ى به‌رهه‌مهێنان له‌و كێلگانه.
No Comment! Be the first one.