چاویارنیوز _ مامۆستایەکی زانکۆ ڕایدەگەیەنێت: بەندەری حەیفا بەر هێرشی مووشەکی ئێران درا، کە هەموو کۆگاکانی نیتراتی ئەمۆنیۆمی ئیسرائیلی بە تەواوی لەناوبرد، کە لەوێ هەڵگیرابوو بۆ بەکارهێنانی لە بەرهەمهێنانی تەقەمەنی و چالاکییە کشتوکاڵییەکان.
یادگار عەلی توێژەر و مامۆستای زانکۆ وتی: مووشەکبارانکردنی ئەم بەندەرە لەلایەن ئێرانەوە، دەرئەنجامی هێرشی مووشەکی بالیستیکی هایپەرسۆنیکی ئێران بوو. گرنگی ستراتیژی بەندەری حەیفا لەم لایەنانەی خوارەوەدایە:
١- دەروازەی دەریایی ئیسرائیل بۆ بازاڕەکانی ئەوروپا و وێستگەیەکی گرنگ لە ڕێڕەوی بازرگانی جیهانی نوێ پێکدەهێنێت، ئەمەش لە چوارچێوەی دەستپێشخەریی “رێڕەوی هیندستان- ڕۆژهەڵاتی ناوەڕاست-ئەوروپا”، کە ئامانجی بەستنەوەی باشووری ئاسیایە بە ئەوروپا لە ڕێگەی کەنداو و ئیسرائیلەوە.
٢- ئامێری پێشکەوتووی هەیە، لەوانە شوێنی کۆنتێنەر و شوێنی هەڵگرتن و هێڵی شەمەندەفەر، کە ڕاستەوخۆ بە ناوخۆی ئیسرائیلەوە دەبەستێتەوە، ئەمەش وایکردووە ببێتە خاڵێکی سەرەکی دابەشکردن بۆ کاڵا هاوردە و هەناردەکراوەکان.
٣- دامەزراوە ئەمنی و سەربازییەکانی تێدایە، کە داگیرکەران لە ئۆپەراسیۆنە سەربازییەکانیدا بەکاریدەهێنن و کەشتییە جەنگییەکان و ژێردەریاییەکان لەوێ جێگیر دەبن، ئەمەش وایکردووە ڕۆڵێکی سەرەکی لە ئاسایشی نیشتمانی ئیسرائیلدا هەبێت.
٤- کارگە و کۆمپانیا گەورەکانی بوارە جیاوازەکان بە تایبەتی لە پیشەسازی پترۆکیمیاییدا تێدایە، ئەمەش وایکردووە ببێتە دامەزراوەیەکی گرنگ بۆ ئابووری ئیسرائیل.
٥- بەستراوەتەوە بە تۆڕەکانی بۆری غاز و نەوت، ئیسرائیلیش بۆ هەناردەکردنی ماددەی کیمیایی و بەرهەمەوزەییەکان بەکاریدەهێنێت، ئەمەش وایکردووە ببێتە خاڵێکی سەرەکی لە ستراتیژیەتی خۆیدا بۆ بەبازاڕکردنی سەرچاوەکانی لە ڕۆژهەڵاتی دەریای ناوەڕاست.
بۆچی ئێران بەندەری حەیفای ئیسرائیلی کردە ئامانج؟
مووشەکبارانکردنی ئەم بەندەرە لەلایەن ئێرانەوە، دەرئەنجامی هێرشی مووشەکی بالیستیکی هایپەرسۆنیکی ئێران بوو.
No Comment! Be the first one.