چاویارنیوز _ موڵك و ماڵی شاسوار عەبدولواحید دەخرێتە موزایەدەوە، ئەمەش لەکاتێکدایە چەند رۆژێكە شاسوار عەبدولواحید سەرۆكی جوڵانەوەی نەوەی نوێ لە زیندانەو تا ئێستاش هیچ ئاسۆیەك نییە بۆ ئەوەی ئازاد بكرێت.
بەپێی زانیارییەکان، دەستگیركردنی شاسوار عەبدولواحید، ڕووداوێك نییە لە پڕ ڕوویدابێت. بەر لە دەستگیركردنی خودی سەرۆكی جوڵانەوەی نەوەی نوێ ئاگاداركراوەتەوە و تەنانەت تەواوی نوێنەرایەتی وڵاتانیش لە دۆسییەكەی شاسوار عەبدولواحید و جێبەجێكردنی یاسا بەسەریدا ئاگاداركراونەتەوە.
زانیارییەکان ئەوە باسدەکەن، دوای دەستگیركردنی شاسوار عەبدولواحید، بۆچوونێك لە نێو یەكێتیی نیشتیمانیی كوردستان دروست بووە كە بە یەكجاری كۆتایی بە رۆڵی شاسوار عەبدولواحید بهێنرێت و هیچی دیكە چاوپۆشی لە كارەكانی نەكرێت.
بەشێك لە ئەندامانی مەكتەبی سیاسی یەكێتی باوەڕیانوایە تەواوی موڵك و ماڵی شاسوار عەبدولواحید دەستی بەسەردا بگیرێت و پاشان بخرێتە موزایەدە و بە پارەیەكی رەمزی چەند كۆمپانیایەك موڵك و ماڵی شاسوار بكڕنەوەو بە پارەكەی قەرزی حكومەت و خاوەن پشكەكانی چاڤی لاند بدرێتەوەو كۆتایی بەو دۆسییەیە بهێنرێت.
بەرپرسانی یەكێتی و پارتی، پێیانوایە هیچ كەسێك لەگەڵ شاسوار عەبدولواحید هاوسۆز نییە بۆیە دەرفەتی ئەوە هەیە بە تەواوی كۆتایی بە رۆڵی ناوبراو و جوڵانەوەكەی بهێنن.
میراتی پیاوە قەرزدارەكە دەخرێتە موزایدەوە
زانیارییەکان ئەوە باسدەکەن، دوای دەستگیركردنی شاسوار عەبدولواحید، بۆچوونێك لە نێو یەكێتیی نیشتیمانیی كوردستان دروست بووە كە بە یەكجاری كۆتایی بە رۆڵی شاسوار عەبدولواحید بهێنرێت و هیچی دیكە چاوپۆشی لە كارەكانی نەكرێت.
No Comment! Be the first one.