چاویارنیوز ـــ ڤیلیان دوای ئەوەی بەرامبەر بەرشەلۆنە لە ئاستێکی لەبیرنەکراودا درەوشایەوە، قسەی بۆ ڕۆژنامەنوسان کرد و وتی کە، ئەو ساتەی کەوا گوڵم تۆمار کرد باشترین ساتی ژیانم بوو.
ڤیلیان، یاریزانە تەمەن 18 ساڵەکەی یانەی چێڵسی، گۆڵی دووەمی یارییەکەی تۆمارکرد و لە یاریگای ستامفۆرد بریجدا بە سێ گۆڵی بێ وەڵام بەرامبەر بەرشەلۆنە یارییەکەیان بردەوە. ڤیلیان ئەو ساتەوەختەی بە باشترین ئەزموونی سەردەمی لاوێتی وەسف کرد و جەختی لە پەیوەندییە نزیکەکانی لەگەڵ هاندەرانی چێڵسی کردووە لەو کاتەوەی کە پەیوەندی بە یانەکەوە کردووە.
چێڵسی هەر لە سەرەتاوە تا کۆتایی زاڵ بوو بەسەر یارییەکەدا. لە گێمی یەکەمدا گۆڵێکی تایبەتی جولس کۆندێ بوو بە گۆڵی یەکەم، پاشان ڤیلیان، تۆپەکەی بۆ سەربانی تۆڕەکە پاس دا و گۆڵی دووهەمی تۆمارکرد و پێشکەوتنی تیپەکەی دوو هێندە کرد.
ناوبراو تا ئێستا پێنج گۆڵی بۆ چێڵسی تۆمارکردووە و بووە دووەم گەنجترین یاریزان لە مێژوودا کە لە سێ یاری یەکەمی چامپیۆنزلیگدا گۆڵ تۆمار بکات؛ ژمارەیەکی پێوانەیی کە پێشتر تەنها کیلیان ئمباپێ و ئێرلینگ هالاندیان بەدەستیان هێنابوو.
ڤیلیان لە لێدوانێکیدا بۆ ئەمازۆن پرایم وتی “بەڕاستی هیچ وشەیەکم نییە بۆ وەسفکردنی هەستەکەم، شەوێکی تەواو بوو، تەنها سوپاسی خودا دەکەم بۆ هەموو ئەو شتانەی بەسەرمدا هات، لەمەودوا تەنها بەرەو پێشەوە دەڕۆم.
ناوبراو لە درێژەدا وتی: ئەوە زۆر خێرا ڕوویدا، پێش ئەوەی بزانم ئەوە ڕوویدا، تەنها هەندێک شوێنم دۆزیەوە، ڕێگایەکم کردەوە و ئەو گۆڵەم تۆمارکرد، ئەوە ساتێکی تایبەت بوو لە ژیانی وەرزشیمدا، هیوادارم گۆڵی زیاتر تۆماربکەم.
ڤیلیان لە درێژەی قسەکانیدا وتی: بە دڵنیاییەوە باشترین سات بوو لە ژیانی وەرزشیمدا تا ئێستا. “دەمەوێت ساڵانێکی زۆر گۆڵی زیاتر تۆمار بکەم، زۆر دڵخۆشم کە خێزانەکەم لە یاریگا بوون و ئەم ساتەوەختەیان بینی.
هەروەها گوتیشی: لەو ساتەی هاتووم بۆ ئێرە هەستم بە پەیوەندییەکی تایبەت لەگەڵ هاندەران کرد، زۆر دڵخۆشم کە توانیم گۆڵیان بۆ تۆمار بکەم و دڵخۆشیان بکەم، هیوادارم بەردەوام بم لە دڵخۆشکردنیان و گۆڵی زیاتریان بۆ تۆمار بکەم.
No Comment! Be the first one.