چاویارنیوز ـــ لیۆنێل مێسی دوای ئەوەی لە دوو یاری ئینتەردا بەشداری نەکرد و لە پێنج یاری کۆتایی تیپەکەیدا تەنیا 45 خولەک یاری کرد، گەڕانەوەیەکی خولیایی هەبوو.
لیونل مێسی لە یارییەکەی بەرامبەر ئۆرلاندۆ سیتیدا تەواوی 90 خولەکی یارییەکەی ئەنجامداوە و بە دوو گۆڵە سەرنجڕاکێشەکەی شکستێکی 1-0ی گۆڕاندەوە بۆ سەرکەوتنی 3-1.
لە خولەکەکانی کۆتاییدا تیلاسکۆ سیگۆڤیا گۆڵی سێیەمی تۆمارکرد و سەرکەوتن بۆ یاری کۆتایی مسۆگەرکرد.
دوای یارییەکە، مێسی لە چاوپێکەوتنێکدا لەگەڵ ئەپڵ تیڤی وتی: بە دڵنیاییەوە حەزم دەکرد لەم یارییەدا بم، هەستم بە ناڕەحەتی دەکرد بەرامبەر یانەی لۆس ئەنجلۆس گالاکسی، بەڵام دەمزانی ئەم یارییە چەندە گرنگە، خۆم ئامادەکرد، لە گێمی یەکەمدا کەمێک ترسام، بەڵام وردە وردە ئارام بوومەوە.
دوو گۆڵی ئەستێرە ئەرجەنتینییەکە ژمارەی گۆڵەکانی لە ژیانی وەرزشیدا بۆ 877 گۆڵ بەرزکردەوە، تەنها 23 گۆڵی ماوە بۆ ئەوەی بگاتە 900 گۆڵ، هەروەها 11 ئەسیستی دیکە دوورە لە گەیشتن بە 400 گۆڵ. مێسی ئێستا نزیکە لە بردنەوەی جامی 47مینی دەورانی پڕۆفشاڵی وەرزشی خویدا.
لەگەڵ دوورخستنەوەی خاڤیێر ماسکیرانۆ، تیپەکە ڕادەستی خاڤیێر مۆرالێسی کراوە و ئەویش لە ستایشی ژمارە 10 دەڵێت: ” کاتێ باس لە لیۆ دەکەین وشەکان کەمە، بەزەحمەت مەشقی کردووە بەڵام 90 خولەک یاری کردووە، سەرپشکێکی گەورەیە بۆ ئێمە و هاندەران کە ئەومان هەیە و بزانین چۆن گۆڵ تۆمار دەکات، ئێمە زۆر دڵخۆشین”.
مۆرالێس هەروەها تیشکی خستە سەر کاریگەرییەکانی مێسی لە دەرەوەی یاریگا و وتی: ئەو پڕۆفشناڵە لەناو یاریگا و دەرەوەی یاریگادا، ئێمە تەنها لە تۆپی پێدا شتی لێوە فێر نابین، بەڵکوو شێوازی سەرکردایەتیکردنیشی هەر فێرکارییە.
No Comment! Be the first one.