موندیالی یانەکان؛ پاریس سانجێرمان بوو بە ڕکابەری چێڵسی لە یاری کۆتاییدا

چاویارنیوز ــــ هەڵبژاردەی پاریس سانجێرمان بە شەرمەزارکردنی ڕیال مەدرید بوو بە ڕکابەری چێڵسی لە یاری کۆتایی موندیالی یانەکانی 2025.

لە یاری دووەم و کۆتایی یاری پێش کۆتایی موندیالی یانەکانی 2025 کە شەوی چوارشەممە کاتژمێر 22:30 بەڕێوەچوو، هەردوو هەڵبژاردەی پاریس سانجێرمان و ڕیال مەدرید ڕووبەڕووی یەکتر بوونەوە و هەڵبژاردەی پاریس هەمان چارەنووسی بەسەر ڕیال مەدریددا هێنا کە لە یاری کۆتایی چامپیۆنزلیگدا بە سەر ئینتەری هێنا (5-0 بردنەوە). سەرکەوتنێکی گەورەی 4-0ی بەدەستهێنا و تیپی مەدریدی شەرمەزار کرد و بوو بە ڕکابەری چێڵسی لە کۆتاییدا.
بۆ ئەو تیپە کە لویس ئەنریکی لەم یارییەدا سەرپەرشتی دەکات. فابیان رویز لە خولەکی (6 و 24)، عوسمان دێمبێلی لە خولەکی (9) و گۆنسالۆ رامۆس لە خولەکی (87)دا گۆڵیان تۆمارکرد. ئەم یارییە 10 خولەک دواخرا بەهۆی قەرەباڵغی هاتوچۆ لە دەوروبەری یاریگاکەوە.

ئەم یارییە دوایین دەرکەوتنی “لوکا مۆدریچ” بوو بۆ یانەی ڕیال مەدرید. ڕۆیشتنی ئەو پێشتر ڕاگەیەنرا و دەوترێت بەرەو میلان دەڕوات. دۆڕاندنەکە بەرامبەر پاریس سانجێرمان لایەنێکی دیکەی هەبوو ئەویش گەڕانەوەی کارڤاخال بۆ نێو یاریگای تۆپی پێ دوای نزیکەی 9 مانگ پێکان بوو. جامی جیهانیی یانەکان فیفا، هەڵبژاردەی تۆپی پێی پاریس سانجێرمان، یانەی تۆپی پێی ڕیال مەدرید، یاری کۆتایی موندیالی یانەکانی 2025 ڕۆژی یەکشەمە 13ی تەمووز بەڕێوەدەچێت.