ڕۆڵی سەرەکی “بنزیما” لە دوورخستنەوەی “لۆران بلان”

چاویارنیوز ــــ کەریم بنزیما، کاپتنی فەرەنسی هەڵبژاردەی ئیتیحادی سعودیە، بە هەڵدانی گڵۆپی سەوز بۆ ئیدارەی یانەکە، ڕێگەی بۆ دوورخستنەوەی “لۆران بلانی” هاونیشتیمانییەکەی لە پۆستی سەرۆکی ڕاهێنەر خۆشکرد؛ بڕیارێک کە بە فەرمی ڕاگەیەندرا.

بە پشتبەستن بە سەرچاوە ئاگادارەکانی ڕۆژنامەی ئەلریازییە، ئەم گۆڕانکارییە دوای کۆبوونەوەیەکی بەپەلەی بەڕێوەبەرانی یانەکانی ئیتیحاد ئەنجامدراوە. کۆبوونەوەکە لە نیوەی شەودا بە ڕاگەیاندنی فەرمی دوورخستنەوەی “لۆران بلان” کۆتایی هات. بڕیارێک کە ڕەنگدانەوەی ناڕازیبوون بوو لە ئەنجامەکانی ئەم دواییەی تیپەکە و فشارە زۆرەکانی هاندەران بۆ گۆڕانکاری لە کورسی یەدەگی تەکنیکیدا بوو.

دوورخستنەوەی “لۆران بلان”، کە بۆ ماوەی یەک وەرز سەرکردایەتی یانەی ئیتیحادی کرد بۆ بەدەستهێنانی نازناوی خولی سعودیە و جامی سعودیە، ئێستا ڕێخۆشکەرە بۆ هاتنی ناوە گەورەکان لە سەرانسەری جیهاندا، لەنێوانیاندا “چاڤی” ڕاهێنەری پێشووی بەرشەلۆنە و “یۆرگن کلۆپی” ڕاهێنەری پێشووی لیڤەرپوول.
سەرچاوە نزیکەکانی یانەکە ڕایانگەیاند کە ئیدارەی یانەی ئیتیحاد گفتوگۆی لەگەڵ ڕاهێنەرە گەورەکان دەستپێکردووە، لەوانە یۆرگن کلۆپ و بەنیازە بە ڕاکێشانی ئەم ڕاهێنەرە بەناوبانگە تیپەکە بخاتە سەر ڕێگای سەرکەوتنی زیاتر لە خولی سعودیە و پاڵەوانێتییەکانی ئاسیادا.