چاویارنیوز ـــ یۆرگن کلۆپ، ڕاهێنەری پێشوو و خۆشەویستی لیڤەرپوول لە دوایین لێدوانەکانیدا چەند لێدوانێکی سەبارەت بە ئەگەری گەڕانەوەی بۆ یانەکەی دا کە ڕەنگدانەوەیەکی بەرفراوانی لەنێو هاندەرانی لیڤەرپوولدا هەبووە.
یۆرگن کلۆپ ئاماژەی بە پابەندبوونی سۆزداری و پڕۆفشناڵی خۆی بە لیڤەرپوولەوە کردووە و دەڵێت: هەمیشە وتوومە هیچ یانەیەکی تر لە تۆپی پێی ئینگلیزیدا بەڕێوەنابەم، ئەم ڕستەیە مانای یەک شت دەگەیەنێت، یان هەرگیز ناگەڕێمەوە، یان ئەگەر ڕۆژێک بیگەڕێنمەوە تەنها دەبمە ڕاهێنەری لیڤەرپوول. هەروەها کلۆپ ئەگەری گەڕانەوەی بە تەواوی ڕەت نەکردەوە و زیادی کرد: بەڵێ ئەگەری هەیە، لانیکەم لەسەر کاغەز.
یۆرگن کلۆپ لە لیڤەرپوول چەندین ڕێزلێنانی بەدەستهێنا و تەنانەت توانی لە وەرزی 2019-2020 لەگەڵ لیڤەرپوول 99 خاڵ بەدەستبهێنێت. ڕێزلێنانی یۆرگن کلۆپ لە ماوەی ڕاهێنەرایەتی لیڤەرپوولدا: نازناوی پریمەرلیگ لە وەرزی 2019-2020، نازناوی جامی خولی ئینگلتەرا لە وەرزی 2021-2022 و 2023-2024، نازناوی جامی یەکێتی ئینگلتەرا لە وەرزی 2021-2022، نازناوی جامی سوپەری یەکێتی ئینگلتەرا لە 2022، نازناوی جامی سوپەری یەکێتی ئەوروپا لە 2019، نازناوی جامی سوپەری ئەوروپا و یانەکان نازناوی جامی ساڵی 2019.
No Comment! Be the first one.