چاویارنیوز ـــ لویس کامپۆس ئامانجی پاریس سانجێرمانی زۆر ڕوون کردۆتەوە، ئەویش بردنەوەی نازناوی چامپیۆنزلیگە بۆ دووەم ساڵ لەسەریەک.
پاریسییەکان هاوشێوەی وەرزی ڕابردوو نەیانتوانی ڕاستەوخۆ سەرکەون بۆ ڕیزبەندی 16 لە باشترین تێپەکان و ئێستا ناچارن دوو یاری دیکە لە پلەی ئۆف ئەنجام بدەن. بێگومان تیپەکەی ئێنریکی ساڵی ڕابردووش هەمان کاریان کرد و لە کۆتاییدا بوونە پاڵەوانی ئەوروپا.
کامپۆس لەمبارەیەوە وتی: دەمانەوێت بەم ئامانجە بگەین، دەزانین زۆر قورسە و هیچ تیپێک نەیتوانیوە دوو جار لەسەریەک سەرکەوتن بەدەستبهێنێت، بەڵام دواجار دەبێت کەسێک هەوڵی ئەوە بدات. کامپۆس بە گەشبینییەوە ئەم قسانەی کرد.
ناوبراو لە درێژەی قسەکانیدا وتی: پاریس سانجێرمان تیپێکی زۆر سەرنجڕاکێشە، چونکە تیپێکی گەنجە کە یاری تۆپی پێی نایاب دەکات، ڕاهێنەرێکی ناوازەی هەیە و ئیدارەیەکی نایاب سەرۆکایەتی دەکات.
بەڕێوەبەری وەرزشی یانەکە زیادی کرد: هەموو مەرجەکان لە شوێنی خۆیانن بۆ ئەوەی بەردەوام بین لەسەر ئەم ڕێگایە. یاریزانی یانەی بەرشەلۆنە دەڵێت: ئێمە ئیرادەمان هەیە، تەنانەت ئەگەر هەندێکجار یارییەکی زۆر باش بکەین بەڵام سەرنەکەوین.
کامپۆس لە کۆتاییدا سەبارەت بە ڕاهێنەرەکە وتی: لویس ئێنریکی هەرگیز ناوەستێت، ڕۆژانە داوای زیاتر دەکات و بەردەوام بیر لەوە دەکاتەوە کە چۆن دەتوانێت شتێکی نوێ بۆ تیپەکە زیاد بکات.
No Comment! Be the first one.