جاویارنیوز – ئەستێرەی یۆنانی تیپی میلواکی باکس پێش یاریی ئۆڵ ستاری ٢٠٢٦ باسی مێسی و ڕۆناڵدۆی کرد.
مێسی و ڕۆناڵدۆ لە سەرانسەری جیهاندا هاندەرێکی زۆریان هەیە و ساڵانێکە، دووبەرەکییەکی سەیر لەسەر ئەم دووانە دروست بووە. ئەو پرسیارەی کە هەموو کەسێک لە هاوتەمەنەکانی دەکات؛ مێسی یان ڕۆناڵدۆ؟
لەسەر ئەم پرسیارە جیاوازی بیروڕا زۆرە. هەندێک ڕۆناڵدۆ بە باشترین یاریزان دەزانن و هەندێکیش مێسییان پێ باشترە، بەڵام کەسانێکیش هەن کە پێیان باشە نە مێسی و نە ڕۆناڵدۆ هەڵبژێرن.
هەروەها ئەستێرەکانی باسکە لە NBAدا، زیاتر ئارەزووی جیهانی تۆپی پێ و ئەم وەرزشە سەرنجڕاکێشە دەکەن. بۆ نمونە لیبرۆن جەیمس خاوەن پشکی لیڤەرپوول و ستیڤن کۆری هاندەری مێسی و نەیمارە. جیانیس ئەنتێتۆکۆنمپۆ، ئەستێرەی یۆنانی یانەی میلواکی باکس، پێش دەستپێکردنی یارییەکانی ئۆڵ ستاری ٢٠٢٦ باسی مێسی و ڕۆناڵدۆی کرد.
پەیامنێرێک کە وادیارە هەوڵی گۆڕینی تۆنی چاوپێکەوتنەکەی دەدات، پرسیاری لە ئەستێرەکە کرد کە ئایا مێسی پێ باشترە یان ڕۆناڵدۆ. جیانیس لە وەڵامدا وتی: ” بۆ من مێسی باشترینە، بەڵام چاوەڕوان بن، با ڕوونی بکەمەوە، مێسی بەهرەیەکی پاکە، زۆر بە شێوەیەکی سروشتی یاری تۆپی پێ دەکات و وەک ئەوە وایە کە لەدایک بووبێت بۆ ئەوەی ئەو کارە بکات. ڕۆناڵدۆ؟ ئەویش سەرسوڕهێنەرە ئەو هێمای ماندوونەناسی و دیسپلینیە، بەڵام من میسیم بەلاوە باشترە. وەک ئەوەی هەموو شتێک بۆ مێسی ئاسان بێت.
No Comment! Be the first one.