بۆچوونی مارسکا لەسەر قەیرانە سەیرەکەی چێڵسی؛ قەیرانی کارتی سوور!

چاویارنیوز ـــ بردنەوەی چێڵسی بە سێ گۆڵی بێ وەڵام بەرامبەر نۆتینگام فۆڕێست، کارتێکی سووری دیکەی بۆ بلوز تۆمارکرد، کە پێنجەم کارتێکی سوورە لە شەش یاری ڕابردوودا.

مالۆ گۆستۆ دوایین یاریزانی یانەی چێڵسی بووە کە بە کارتی سوور دەرکرابێت. لە خولەکەکانی کۆتایی یارییەکەی ئەمڕۆدا، لە یاریگای سیتی گراوند لێدانێکی زبری لە نێکۆ ویلیامز فۆڵێکی ئەنجامدا و لە خولەکی ٨٧دا کارتی زەردی دووەمی وەرگرت.

ئەو دوورخستنەوە بەو مانایە بوو کە چێڵسی لە چوار یاری لەسەریەکدا کارتی سووری وەرگرتبوو، بەڵام پێدەچێت مارسکا لەو بارەیەوە ئارام بووبێتەوە. چونکە دوای سەرکەوتنی تیپەکەی وتی:”دیسانەوە شتێکە دەتوانین باشتری بکەین، بەڵام من نیگەران نیم. ڕەنگە هەندێکتان بپرسن بۆچی نیگەران نیم؟ چونکە حەزم لە شیکارییە.”

لێدوانەکانی مارسکا لە درێژەی قسەکانی پێش، پشووی نێودەوڵەتیی مانگی ئۆکتۆبەر بوو، کاتێک وتی کە هەموو کارتێکی سوور پێویستە لەسەر بنەمای کەیس بە کەیس شیکاری بکرێت.

مارسکا خۆی بەشێک بووە لەم تۆمارە بەدبەختە؛ ڕاهێنەرە ئیتاڵییەکە لە کۆتا خولەکدا لە یارییەکەی بەرامبەر لیڤەرپوول بە کارتی سوور دەرکرا، بەهۆی ئەوەی دوای گۆڵەکەی ستیوا ئاهەنگی زۆریان گێڕا، بەڵام مارسکا پێداگری لەسەر ئەوە کرد کە ناتوانرێت هەموو کارتە سوورەکان بەیەکەوە کۆبکرێنەوە و دەڵێت: “کاتێک کارتی سوور بۆ نیازی خراپ یان بێ دیسپلین بێت، ئەوە جیاوازە لە کارتی سوور، وەک ئەوەی بەرامبەر مانچستەر یونایتد یان برایتۆنە، لەو حاڵەتانەدا تەنها دوو سێ چرکەت هەیە بۆ بڕیاردان لەسەر ئەوەی کە ئایا فاوڵت کردووە یان نا، ئەوەش کارێکی قورسە، بۆیە ئێمە بە تاک سەیری هەر حاڵەتێک دەکەین، تەنانەت ئەگەر بە گشتی چوار کارتی سووریشمان هەبێت، هێشتا ئاسایی نییە، چونکە هۆکارەکانی هەر یەکێکیان جیاوازە”.