تووڕەیی هاندەرانی چێڵسی بەرامبەر بە هەڵسوکەوتی یاریزانە ئەستێرەکەیان

چاویارنیوز – مۆیسس کایسێدۆ یاریزانی یانەی چێڵسی دوای ئەوەی پێنجەم کارتی زەردی ئەم وەرزەی وەرگرت، تەنها چەند خولەکێک تا کۆتایی یارییەکەی شەوی سێشەممەی خولی نایابی ئینگلیزی بەرامبەر بۆرنمۆس، ڕووبەڕووی ڕەخنەیەکی زۆر بووەوە.

کارتی زەرد دەبێتە هۆی دوورخستنەوەی ئۆتۆماتیک بۆ یەک یاری و کایسێدۆ لە یاری داهاتووی چێڵسی بەرامبەر مانچستەر سیتی دوور دەخاتەوە؛ ڕووداوێک کە هاندەرانی چێڵسی توڕە کردووە.

کایسێدۆ لە پێکهاتەی سەرەکی چێڵسیدا بوو بۆ یارییەکەی بەرامبەر بۆرنمۆس و تەنها چەند خولەکێکی پێچوو تا کاریگەری نەرێنی لەسەر ڕەوتی یارییەکە دروست بکات. یاریزانە ناوەڕاستەکە دوای چەند خولەکێک لە دەستپێکی یارییەکە کارتی سووری بۆ دەرکرا، بۆیە کایسێدۆ لە یاری داهاتووی چێڵسیدا بەشداری ناکات، کە یارییەکی گرنگە لە پریمەرلیگ بەرامبەر مانچستەر سیتی لە یاریگای ئیتیحاد.

ئامادەنەبوونی کایسێدۆ گورزێکی گەورەیە بۆ ئێنزۆ مارسکا و تیپەکەی، چونکە یاریزانێکی سەرەکی یانەی چێڵسییە و تا ئێستا لەم وەرزەدا لە هەموو یارییەکدا بەشداری کردووە. کارتە زەردەکەی کایسێدۆ کاردانەوەی زۆری هاندەرانی چێڵسی لێکەوتەوە، کە دڵتەنگن بەوەی یاریزانە ناوەڕاستەکەیان بۆ یارییەکی وەها گرنگ ڕاگیرا.

یەکێک لە هاندەرانی چێڵسی لە سۆشیال میدیا نووسیویەتی؛

– کایسێدۆ، تۆ گەمژەی؟

بەکارهێنەرێکی دیکە زیادی کرد:

دەبوو کایسێدۆ بزانێت کە لە لێواری سزاداندایە، چ کارتێکی زەردی گەمژانەی وەرگرت، ئێستا لە یاریی بەرامبەر سیتیدا بەشداری ناکات، گەمژە، گەمژە، گەمژە.

دوورخستنەوەی کایسێدۆ دوایین گرفتی دیسپلینی یانەی چێڵسییە لەم وەرزەدا.  پێشتر یاریزانانی وەک جواو پێدرۆ، چالۆبا، ڕۆبەرت سانچێز، مۆیسس کایسێدۆ، لیام دێلف و مالۆ گوستۆ بە کارتی سوور دەرکراون، هاوکات ئەنزۆ مارسکای ڕاهێنەریش جارێکی دیکە لە یاریگا دوورخراوەتەوە.