چاویارنیوز _ عێراق لە قۆناخی پاشکۆ هەوڵ بۆ ئەو دوو بلیتە دەدات کە راستەوخۆ دەیگەیەنێتە مۆندیالی ئەمریکا.
دوای ئەوەی عێراق نەیتوانی راستەوخۆ بلیتێکی مۆندیالی 2026 بەدەست بهێنێت، لە قۆناخی پاشکۆ هەوڵ بۆ ئەو دوو بلیتە دەدات کە راستەوخۆ دەیگەیەنێتە مۆندیالی ئەمریکا، ئەگەر لە قۆناخی پاشکۆش سەرنەکەوێت هێشتا تروسکاییەکی دەمێنێت.
هێشتا شێرەکانی رافیدەین دوو دەرفەتیان لە بەردەمدا ماوە بۆ ئەوەی بگەنە مۆندیالی 2026، گەرچی شەش بلیتی کیشوەرەکە یەکلایی بووەتەوە، بەڵام هێشتا دوو بلیت و نیو ماوە و عێراق دوو رێگای دیکەی لەبەردەمە بۆ ئەوەی بگاتە ئەمریکا.
لە قۆناخی چوارەمی پاڵاوتنەکانی ئاسیا بۆ گەیشتن بە مۆندیالی 2026 شەش هەڵبژاردە ماون، هەریەکە لە سعوودیە، قەتەڕ، عێراق، ئیمارات، عومان، ئیندۆنیزیا ململانێ لەسەر دوو بلیتەکەی دیکەی کیشوەری ئاسیا دەکەن، چونکە شەش بلیت یەکلایی بوونەتەوە.
هەریەکە لە ژاپۆن، کۆریای باشوور، ئێران، ئوردن، ئۆزباکستان، ئوستڕالیا گەیشتنیان بە مۆندیالی 2026 یەکلایی بووەتەوە، ئێستا دوو بلیت و نیو ماونەتەوە بۆ ئەوەی عێراق ململانێیان بۆ بکات.
رۆژی 17ـی مانگی داهاتوو تیروپشک بۆ قۆناخی پاشکۆ دەکرێت، کە یارییەکانی پاشکۆ رۆژانی 8 و 11 و 14ـی ئۆکتۆبەر دەکرێن، پێشەنگی هەردوو کۆمەڵە دوو بلیتەکەی دیکەی ئاسیا بۆ گەیشتن بە مۆندیالی 2026 بەدەست دەهێنن، کە ئەمجارە عێراق 8 کورسی و نیوی لە مۆندیال هەیە.
No Comment! Be the first one.