چاویارنیوز ـــ ڕۆبەرت لیڤاندۆڤسکی هێرشبەری بەناوبانگی بەرشەلۆنە لە نوێترین لێدوانیدا ستایشی تایبەتی بەهرە و لێهاتووی نائاسایی لامین یامالی کرد و شانبەشانی دوو ئەفسانەی گەورەی تۆپی پێی جیهان، لیۆنێل مێسی و کریستیانۆ ڕۆناڵدۆی دانا.
لیڤاندۆڤسکی لە چاوپێکەوتنێکدا ڕایگەیاندووە: بۆ من لامین لە پۆلی ناوازەدایە، تەنها ئامادەم نازناوی ناوازە بدەم بە سێ یاریزان کە بریتین لە لیۆنێل مێسی و کریستیانۆ ڕۆناڵدۆ و لامین یامال، ئەم سێ یاریزانە بەڕاستی ناوازەن.
ئەم قسانەی ئەستێرەی پۆڵەندی یانەی بەرشەلۆنە بە شێوەیەکی بەرفراوان لە میدیا وەرزشییەکانی جیهاندا ڕەنگدانەوەی هەبووە. لامین یامال کە لە ساڵانی ڕابردوودا لە ئەکادیمیای لاماسیاوە بە تیپی سەرەکی بارسێلۆنا ناسێندرا، لە تەمەنێکی زۆر کەمدا توانی جێگەیەکی هەمیشەیی لە پێکهاتەی تیپەکەدا بدۆزێتەوە و بە تەکنیک و خێرایی و متمانەی بەرزی خۆی سەرنجی هەموانی ڕاکشا.
بەراوردکردنی لامین یامال بە دوو ئەفسانەی تۆپی پێی جیهان، میسی و ڕۆناڵدۆ، ئاستی بەرزی تواناکانی ناوبراو دەردەخات. زۆرێک لە شارەزایان پێیان وایە ئەم یاریزانە گەنجە دەتوانێت لە ساڵانی داهاتوودا ببێتە یەکێک لە ئەستێرە سەرەکییەکانی تۆپی پێی ئەوروپا و جیهان.
لێدوانەکانی لیڤاندۆڤسکی نەک تەنها بەها و پێگەی یەمال لە تیپی بەرشەلۆنە بەهێزتر دەکات، بەڵکو هیوای هاندەرانی یانەکە بۆ دەرکەوتنی سوپەرستارێکی نوێ بۆ سەردەمی دوای مێسی زیاد دەکات.
No Comment! Be the first one.