چاویارنیوز ـــ بەرشەلۆنە ئەم وەرزەی بە هێزێکی زۆر باشەوە لە هێڵی ناوەڕاستدا دەستیپێکرد، بەڵام پێکانەکانی ئەم دواییە بژاردەکانی هانسی فلیکی زۆر کەمکردۆتەوە.
گرنگترین لێدان پێکانەکەی پێدرێری بووە لەدوای یاری کلاسیکۆ بەرامبەر ڕیال مەدرید. یاریزانێک کە لە دوای هاتنی فلیکەوە بە هێمای سەقامگیری ناسراوە و لە ساڵانی ڕابردوودا لە باشترین ئاستی خۆیدا بووە، لە وەرزەکانی ڕابردووشدا یەکێک بووە لە باشترین یاریزانەکانی بەرشەلۆنە
پێدرێری دوای شکستەکەی بەرامبەر ڕیال، تووشی دڕانی بڕبڕەی پشتی بوو. ڕاپۆرتەکان سەرەتا ڕایانگەیاندبوو کە بۆ ماوەی چوار بۆ شەش هەفتە لە یاریگاکان دووردەکەوێتەوە، بەمەش لە یارییە گرنگەکانی ئەتلەتیک بلباو و چێڵسی و ئەتلەتیکۆ مەدرید و ڕیاڵ بیتیس بەشداری ناکات.
بەڵام هەواڵە نوێیەکە ئومێدبەخشە. ڕۆژنامەی مارکای ئیسپانی بڵاویکردەوە، چارەسەری ناوبراو، بەباشی بەڕێوەدەچێت و ئەگەری هەیە دوای پشووە نێودەوڵەتییەکە زووتر لەوەی پێشبینی دەکرا بگەڕێتەوە یاریگا، بەرامبەر ئەتلەتیک بلباو. بڕیاری کۆتایی بەندە بە ئامادەیی ئەو بۆ گەڕانەوە بۆ مەشقی گروپی هەفتەی داهاتوو.
بەرشەلۆنە ئامادە نییە هیچ مەترسییەک بکات، بە لەبەرچاوگرتنی مێژووی پێکانەکانی و گرنگایەتی بۆ تیپەکە. تەنانەت ئەگەر پێش مانگی کانوونی دووەمیش بگەڕێتەوە، ئەوە هەواڵێکی ئەرێنی دەبێت بۆ کەتەلۆنیەکان.
No Comment! Be the first one.