چاویارنیوز ـــ یانەی مانچستەر سیتی هەرئەگەرێکی جێهێشتنی “ساڤینۆ” باڵە بەڕازیلییەکەی ڕەتکردۆتەوە و بەمەش هیواکانی تۆتنهام بۆ گواستنەوەی ئەو یاریزانە تێکچووە. ئەمەش لە کاتێکدایە کە خودی یاریزانەکە بەدوای ڕۆڵێکی بەرچاوتر و ئامادەبوونی زیاتر لە تیپی یەکەمدا دەگەڕێت.
تۆتنهام سەرنجی خۆی ئاراستەی “ساڤینۆ”ی تەمەن 21 ساڵ کردبوو، دوای ئەوەی نەیتوانیبوو گرێبەست لەگەڵ “مۆرگان گیبس وایت” هێرشبەری یانەی نۆتینگام فۆڕێست و “ئابارچی ئازێی” یاریزانی یانەی کریستاڵ پاڵاس بکات. دەوترێت ئەو یاریزانە ئارەزووی گواستنەوەی بۆ باکوری لەندەن دەکات بۆ ئەوەی کاتێکی زیاتری یاریکردن بەدەستبهێنێت.
بەڵام بەگوێرەی فابریزیۆ ڕۆمانۆ، ڕۆژنامەنووسی بەناوبانگی بازاڕی گواستنەوەی ئیتاڵی، مانچستەر سیتی سپێرزی ئاگادارکردووەتەوە کە هیچ نیازێکیان نییە لە هاویندا ئەو یاریزانە بیفرۆشن.
بەگوێرەی ڕۆمانۆ، سیتی تەنانەت بیر لە فرۆشتنی ئەو یاریزانە باڵە بەڕازیلییە ناکاتەوە بە 70 ملیۆن یۆرۆش.
پیپ گواردیۆلا ساڤینۆ بە یاریزانێکی سەرەکی بۆ وەرزی 2025-2026 دەبینێت و دووپاتیکردووەتەوە کە ڕێگەی پێنادات بڕوات، واتە لە ئیتیحاد دەمێنێتەوە. بەم دۆخەوە، مانچستەر سیتی چیتر ئارەزووی گواستنەوەی “ڕۆدریگۆ” باڵی بەڕازیلی یانەی ڕیال مەدرید ناکات، تۆتنهامیش دەبێت چاوی لە بەدیلەکانی خۆی بێت بۆ گواستنەوەی ئەو یاریزانە.
No Comment! Be the first one.