وەڵامی هاوڕێ پێشووی ڕۆناڵدۆ بۆ پرسیاری هەمیشەیی، ڕۆناڵدۆ یان مێسی؟

چاویارنیوز ـــ فێدریکۆ کیێسا، ئەستێرەی یانەی لیڤەرپوول کە سەردەمانێک هاوڕێی کریستیانۆ ڕۆناڵدۆ بووە لە یانەی یۆڤانتۆس، بۆچوونی خۆی لەسەر مشتومڕی هەمیشەیی سەبارەت بە باشترین یاریزانی مێژوو دەربڕی.

ئەو پرسیارەی کە نزیکەی دوو دەیە هاندەرانی تۆپی پێی بەسەر دوو لایەندا دابەشکردووە، سەرەڕای ئەوەی کە سەردەمی هەردوو ئەفسانە خەریکە کۆتایی پێدێت،  هێشتا گەرمە. بۆچوونەکان جیاوازن، بەڵام بۆ کیێسا گومانی تێدا نییە: تاجەکە هی مێسییە.

زیاتر لە بیست ساڵە مێسی و ڕۆناڵدۆ ڕوخساری تۆپی پێی مۆدێرنیان پێناسە کردووە. مێسی، یاریزانێکی ناسکی یاریکردن و بوو بە یاریزانێکی بێ ڕکابەر، ئێستا خاوەنی هەشت خەڵاتی تۆپی ئاڵتونە و هەموو شەرەفێکی بەدەستهێناوە لە تۆپی پێدا. لەبەرامبەردا ڕۆناڵدۆ هێمای ئیرادە و دیسیپلینە؛ کەسێک کە بە دیسیپلینێکی نموونەیی ڕێگەی خۆی بۆ لووتکە کردەوە. تا ئێستاش ژمارە پێوانەییەکان دەشکێنێت و ئامانجی ئەوەیە پێش ئەوەی واز لە یاریکردن بهێنێت، ببێتە یەکەم یاریزان کە هەزار گۆڵ بۆ یانەکان و وڵات تۆمار بکات.

لە لێدوانێکیدا بۆ سکای سپۆرت، کیێسا ڕاشکاوانە گوتی؛ “بەختم باش بوو بۆ ماوەی ساڵێک شانبەشانی یەکێک لە گەورەترین یاریزانەکانی مێژووی تۆپی پێ، کریستیانۆ ڕۆناڵدۆ، یاریم کرد، پابەندبوونی، هێزی دەروونی و ئەو بڕیارانەی لە ساتەوەختە گرنگەکاندا دەیدا، هەمیشە ئیلهامبەخش بووە بۆ من، کریستیانۆ لەسەر هەسارەیەکی دیکەیە، کارکردن لەگەڵیدا و بینینی ئەوەی کە چی کردووە بۆ ئەوەی بگاتە ئەم ئاستە بەڕاستی جێگەی سەرنج بووە”.

بەڵام کاتێک باس لە لیۆنێل مێسی کرا، تۆنی کیێزا لە سەرسامیەوە بۆ سەرسوڕمان گۆڕا و گوتی:”من لەگەڵ ڕۆناڵدۆ یاریم کردووە و ئەزموونێکی باوەڕپێنەکراو بوو، بێ گومان هەردووکیان لیۆنێل مێسی و کریستیانۆ ڕۆناڵدۆ باشترینن لە مێژوودا، بەڵام ئەگەر بە تەواوی ڕاستگۆ بم، دەبێت بڵێم لیۆ مێسی باشترین یاریزانی تۆپی پێیە لە مێژوودا”.