چاویارنیوز ـــ پۆل پۆگبا، یاریزانی پێشووی یانەی مانچستەر یونایتد و یۆڤانتۆس، دواجار دوای 811 ڕۆژ دوورکەوتنەوە لە تۆپی پێی پڕۆفشناڵ گەڕایەوە بۆ یاریگا؛ بەڵام ئەم گەڕانەوەیە شیرین نەبوو. ئێستا لە خولی فەرەنسا یاری بۆ مۆناکۆ دەکات.
هۆکاری سەرەکی دوورکەوتنەوەی ناوبڕاو بۆ ماوەیەکی زۆر لە یارییەکاندا، تێکەڵەیەک بووە لە بایکۆت بە هۆی دوپینگ و هەروەها دووبارەبوونەوەی پێکان. سەرەتا لە ساڵی ٢٠٢٤ بەهۆی پشکنینی پۆزەتیڤەوە بۆ ماوەی ٤ ساڵ قەدەغە کرابوو؛ بەڵام دوای تانەدان، ئەم قەدەغەکردنە بۆ ١٨ مانگ کەمکرایەوە.
مۆناکۆ دوای کۆتایی هاتنی بایکۆتەکەی بەکرێ گرتی و گرێبەستێکی دوو ساڵەی لەگەڵدا واژۆ کرد، بەو هیوایەی بەشێک لە درەوشاوەییەکانی ڕابردووی بگەڕێنێتەوە. هەروەها یانەکە بەرنامەیەکی وردی بۆ چاکسازییەکەی داڕشت، لەگەڵ ڕاهێنانی چڕ و پشکنینی جەستەیی و هەڵسەنگاندنی بەردەوام.
دوێنێ بڵاوکرایەوە کە پۆگبا لە پێکهاتەی مۆناکۆدا بووە بۆ یارییەکەی بەرامبەر بە ڕێن و دەتوانێت چەند خولەکێک یاری بکات پاش مەودایەکی درێژ لە دوورکەوتنەوە لە یارییەکان، هەروەها سیباستیان پۆکۆنیۆلی ڕاهێنەری مۆناکۆ ڕایگەیاند کە ئەو یاریزانە تەکنیکی تایبەت بە تۆپی پێی لەدەست نەداوە.
بەڵام هەواڵە دژبەیەکەکان لەسەر بارودۆخی وردی ئەو یاریزانە هەن، هەندێک سەرچاوە باس لەوە دەکەن کە پۆگبا هێشتا بەتەواوی لەشجوانی خۆی بەدەست نەهێناوە و یانەکەش بە وریاییەوە کار دەکات و هەموو دۆخەکان لەبەرچاود دەگرێت.
No Comment! Be the first one.