ڕیکۆردە سەیرەکەی سوپەرستاری ئەرجەنتینی جیێ سەرنجە

چاویارنیوز – ئامارە سەرسوڕهێنەرەکانی لیۆنێل مێسی دەریدەخەن کە لە سەرەتای ژیانی پرۆفشناڵی لە ساڵی ٢٠٠٤ەوە تاکوو ئێستا هیچ تیپ و یاریزانێک لە جیهانی تۆپی پێدا لە مێسی زیاتر نازناوی بەدەست نەهێناوە.

لەم ماوەی 21 ساڵەدا، مێسی توانیویەتی 48 پاڵەوانێتی لە ڕکابەری یانەکان و نیشتمانی و نێودەوڵەتی بەدەستبهێنێت؛ ژمارەیەک کە نەک هەر لە هەموو یاریزانانی نەوەی خۆی تێدەپەڕێت، بەڵکو تەنانەت کۆی پاڵەوانێتی بەناوبانگترین یانە ئەوروپییەکان لە هەمان ماوەی ساڵدا تێدەپەڕێنێت. بە پشت بەستن بەم داتایانە، نزیکترین ڕاوەدوونەری مێسی یاریزان نییە، بەڵکو یانەیە؛ بایرن میونشن بە 42 جام و دوای ئەوە پاریس سانجێرمان بە 41 نازناوی پاڵەوانێتی لە پلەی سێیەمدایە؛ ئەو تیپانەی کە بەزۆری زاڵن بەسەر خولەکانیاندا و هەموو وەرزێک پاڵێوراوی سەرەکین بۆ بەدەستهێنانی نازناو، بەڵام هێشتا لەدوای مێسی دەکەون.

لە دوای ئەو لیستەدا بەرشەلۆنە بە 40 جام و ڕیال مەدرید بە 33 جام؛ دوو یانە کە لەم ماوەیەدا چەندین جار لە ئەوروپا و ئیسپانیا درەوشاونەتەوە، بەڵام نەیانتوانیوە ڕکابەری ژمارە پێوانەییە سەرسوڕهێنەرەکەی مێسی بکەن لە ڕووی ژمارەی جامەکانەوە. لەنێو تیپە ئینگلیزەکاندا، مانچستەر سیتی بە 24 نازناو، چێڵسی بە 23 نازناو و مانچستەر یونایتد بە 21 نازناو لە ڕیزبەندی دووەمدان. ئینتەرمیلان بە 22 جام و یۆڤانتۆس بە 20 جام پێرستی دە لە باشترینەکان تەواو دەکەن.