چاویارنیوز ـــ هێرشبەری هەڵبژاردەی نەیجیریا باشترین ئۆفەری ژیانی وەرزشی تۆپی پێی خۆی کەوا لە لایەن سعودییەوە پێشکەشی کرابوو، ڕەتکردەوە.
“ڤیکتۆر ئۆسیمهێن” هێرشبەری نەیجیریا گرێبەستی لەگەڵ یانەی گالاتاسەرای واژۆکرد، بەڵام بەپێی ڕاپۆرتێکی ئەمڕۆ (پێنجشەممە)ی ماڵپەڕی فەناتیکی تورکی، ئەو ئەستێرە ئەفریقییە “ئۆفەرەکەی سعودییەی ڕەت کردەوە کە 100 ملیۆن دۆلار بوو”.
ئۆسیمهین لە یانەی گەلاتەسەرای مووچەی 16 ملیۆن دۆلارە، بەڵام ئەگەر پێشنیارەکەی ئەلهیلالی قبوڵکردبا، ئەوا مووچەی سێ هێندە زیادی دەکرد و دەگەیشتە 50 ملیۆن دۆلار.
ئەو ئەستێرە ئەفریقییە وەرزی ڕابردوو بەشێوەی خواستن لەگەڵ یانەی گالاتاسەرای یاریی کرد و گۆڵکاری خولی سوپەرلیگ بوو و لەگەڵ تیپەکە ئاهەنگی پاڵەوانێتیەکەی گێڕا.
یانە تورکیەکە ٨٠ ملیۆن دۆلاری داوە بە ناپۆلی بۆ گواستنەوەی ئەو یاریزانە.
پێگە تورکی بڵاویکردەوە، ئۆسیمهین پێنج جار پێشنیاری فەرمی ئەلهیلاڵی ڕەتکردۆتەوە، سعودییەکانیش ئۆفەرەکەیان لە 20 ملیۆن دۆلارەوە بۆ 50 ملیۆن دۆلار زیادکردووە، بەڵام ئەستێرە نەیجیرییەکە ڕەتیکردەوە. ئۆسیمهین دەیتوانی بە قبوڵکردنی گرێبەستی سێ ساڵەی ئەلهیلال 150 ملیۆن دۆلاری دەستبکەوێت، بەڵام بۆ بەدەستهێنانی ئەم پارەیە ئێستا دەبێ بۆ ماوەی 10 ساڵ لە خولی نایابی تورکیادا یاری بکات.
No Comment! Be the first one.